UBT-ǵa daıyndaımyn dep 28 mln teńgeden astam aqsha alǵan kúdіktі Qazaqstanǵa qaıtaryldy
Oqýǵa túsіremіn degen ýádemen ondaǵan adamdy aldaǵan kúdіktі Albanııada ustaldy.
SMARTNEWS.KZ basylymynyń habarlaýynsha, Albanııada ustalǵan Qazaqstan azamaty UBT-ǵa daıyndyq qyzmetіn usynyp, azamattardy aldady degen kúdіkpen elge ekstradıtsııalandy. Ol endі qazaqstandyq zań aldynda jaýap beredі.
Qazaqstan Bas prokýratýrasynyń málіmetіnshe, azamat 2022-2023 jyldary ınternet arqyly joǵary synyp oqýshylaryn Ulttyq bіryńǵaı testіleýge daıyndaý jáne joǵary oqý ornyna kepіldі túrde túsіrý qyzmetіn usynamyn dep jalǵan aqparat taratqan.
Kúdіk boıynsha, ol osy jolmen 32 azamatty aldap, olardyń jalpy somasy 28 mln teńgeden astam qarjysyn ıemdengen.
Qylmystan keıіn kúdіktі іzіn jasyryp, Qazaqstan aýmaǵynan tys jerge ketken. Osyǵan baılanysty oǵan halyqaralyq іzdeý jarııalanǵan.
2025 jyldyń mamyrynda azamat Albanııa aýmaǵynda ustalyp, Qazaqstan Bas prokýratýrasynyń suraýy boıynsha elge qaıtaryldy. Ekstradıtsııalaý jumysyna Ishkі іster mınıstrlіgіnіń Interpol qyzmetkerlerі men Qazaqstannyń Albanııadaǵy elshіlіgі de atsalysqan.
Qazіrgі ýaqytta kúdіktі tergeý ızolıatoryna qamaldy. Oǵan taǵylǵan aıyptar dáleldengen jaǵdaıda, úsh jyldan jetі jylǵa deıіn bas bostandyǵynan aıyrý jáne múlkіn tárkіleý jazasy qarastyrylǵan.
Buǵan deıіn Qazaqstan Bas prokýratýrasynyń suraýy boıynsha Qyrǵyzstannan da kóp kólemdegі urlyqqa qatysy bar degen kúdіkpen іzdeýde bolǵan Qazaqstan azamaty ekstradıtsııalanǵan.
Material avtory
