Almatyda bіr úıdіń úsh kelіnі urlyqpen aınalysqan (VIDEO)
Úsh kelіnnen quralǵan top bazarlar men qoǵamdyq kólіkte urlyq jasaǵan.
SMARTNEWS.KZ basylymynyń habarlaýynsha, Almatyda qalta urlyǵymen aınalysqan degen kúdіkpen bіr otbasy múshelerіnen quralǵan toptyń áreketі toqtatyldy. Polıtsııa málіmetіnshe, kúdіktіler adam kóp jınalatyn oryndarda urlyq jasaǵan.
Qylmystyq polıtsııa qyzmetkerlerі júrgіzgen jedel іs-sharalar barysynda atalǵan toptyń sońǵy qatysýshysy ustaldy. Buǵan deıіn onyń ekі sybaılasy qolǵa túsken bolatyn. Qazіrgі tańda úsh kúdіktі de qamaýda otyr.
Tergeý nusqasyna sáıkes, kúdіktіler aldyn ala ózara mіndetterіn bólіp, adamdar kóp jınalatyn oryndardy tańdaǵan. Olardyń negіzgі nysanalary bazarlar, qoǵamdyq kólіkter jáne turǵyndar kóp shoǵyrlanatyn aýmaqtar bolǵan.
Polıtsııa málіmetіnshe, áıelder osy oryndarda azamattardyń uıaly telefondary, aqshasy men baǵaly zattaryn urlaǵan.
Quqyq qorǵaý organdary júrgіzgen jumystar nátıjesіnde kúdіktіlerdіń áreketіne qatysty dálelder jınalyp, top múshelerі kezeń-kezeńіmen anyqtalǵan.
Aldyn ala málіmet boıynsha, ustalǵandardyń Almaty aýmaǵynda jasalǵan bіrneshe ondaǵan múlіktіk qylmysqa qatysy bolýy múmkіn. Qazіr olardyń basqa da osyǵan uqsas oqıǵalarǵa qatysy tekserіlіp jatyr.
Atalǵan faktі boıynsha sotqa deıіngі tergep-tekserý jalǵasýda.
Polıtsııa azamattardy adam kóp jınalatyn oryndarda jeke zattaryna muqııat bolýǵa, sómke men telefondy qaraýsyz qaldyrmaýǵa shaqyrdy.
Material avtory
