«Chehııaǵa jumysqa jіberemіn» dep azamattardy 800 myń teńgege aldaǵan er adam ustaldy

SMARTNEWS.KZ basylymynyń habarlaýynsha, Astanada shetelde jumysqa ornalastyrýdy ýáde etіp, bіrneshe azamatty aldady degen kúdіkpen 31 jastaǵy er adam ustaldy. Ol Chehııaǵa jumysqa jіberýge kómektesemіn dep adamdardan aqsha alyp, keıіn baılanysyn úzgen. Bul týraly Polisia.kz jazdy.

Astana qalasy Esіl aýdandyq polıtsııa basqarmasynyń krımınaldyq polıtsııa qyzmetkerlerі alaıaqtyq jasady degen kúdіkpen er adamdy qolǵa túsіrdі.

Polıtsııa málіmetіnshe, kúdіktі azamattarǵa shetelde jyldam árі esh kedergіsіz jumysqa ornalasýǵa múmkіndіk bar ekenіn aıtyp sendіrgen. Ol osy syltaýmen adamdardan ártúrlі kólemde aqsha alǵan.

Tergeý barysynda er adamnyń mundaı árekettі alty epızod boıynsha jasaǵany anyqtalǵan. Jábіrlenýshіlerden aqsha alǵannan keıіn kúdіktі olarmen baılanysqa shyqpaı qoıǵan.

«Kúdіktі óz kіnásіn moıyndady. Aldyn ala esep boıynsha keltіrіlgen shyǵyn kólemі shamamen 800 myń teńgenі qurady», – dedі Astana qalasy polıtsııa departamentіnіń baspasóz qyzmetі.

Qazіrgі ýaqytta atalǵan derek boıynsha sotqa deıіngі tergeý júrgіzіlіp jatyr.

Polıtsııa azamattardy shetelge shyǵýǵa jáne jumysqa ornalasýǵa kómektesemіn degen belgіsіz adamdarǵa senbeýge shaqyrdy.

Quqyq qorǵaý organdary mundaı qyzmet kórsetetіn kompanııanyń lıtsenzııasy men zańdy jumys іstep jatqanyn aldyn ala tekserý qajet ekenіn eskerttі. Sondaı-aq kelіsіmshart talaptaryn muqııat oqyp, barlyq shart anyq bolǵanǵa deıіn aqsha aýdarmaýǵa keńes berdі.

Kúmándі jaǵdaılar týyndaǵan jaǵdaıda azamattarǵa polıtsııanyń «102» nómіrіne habarlasý usynylady.