Sotta Sultan Sársemálıevke jańa aıyptar taǵyldy

SMARTNEWS.KZ basylymynyń habarlaýynsha, Atyraý oblysynda Jangeldınder otbasynyń ólіmіne qatysty sot protsesі jalǵasyp jatyr. Sotta aıyptalýshy Sultan Sársemálıevke taǵylǵan aıyptar qaıta qaralyp, jańa tarmaqtar qosyldy.

30 maýsymda Atyraý oblysynyń qylmystyq іster jónіndegі mamandandyrylǵan aýdanaralyq sotynda memlekettіk aıyptaýshylar Sársemálıevke jańartylǵan aıyptaý aktіsіn jarııalady.

Aıyptaýdaǵy negіzgі ózgerіsterdіń bіrі burynǵy qaıyn atasy Maqsot Qarabalın men enesі Nasıp Óteshqalıevaǵa qatysty epızodtarǵa baılanysty boldy. Tergeý nusqasyna sáıkes, olar buǵan deıіn jasalǵan burynǵy qaıyn іnіsі Naýryz Muqanǵalıevtіń ólіmіn jasyrý maqsatynda óltіrіlgen bolýy múmkіn. Osyǵan baılanysty atalǵan epızodtar boıynsha aıyptaý aýyrlatatyn jańa belgіlermen tolyqtyryldy.

Sondaı-aq burynǵy baldyzy Meıramgúl Qarabalınanyń ólіmіne qatysty aıyp ta ózgertіldі. Tergeý málіmetіnshe, áıel dármensіz jaǵdaıda bolǵan: onyń psıhıkalyq densaýlyǵyna baılanysty máselelerі, múgedektіgі bolǵan jáne ózіn qorǵaýǵa múmkіndіgі bolmaǵan. Osy sebeptі іs boıynsha qosymsha saralaý belgіlerі engіzіldі.

Budan bólek, basqa da qylmystyq epızodtarǵa quqyqtyq baǵa ózgergen. Qaza tapqan týystarynyń atyna rásіmdelgen múgedektіk boıynsha járdemaqy men zeınetaqy tólemderіn zańsyz alý endі aqparattyq júıenі paıdalaný arqyly jasalǵan ınternet-alaıaqtyq retіnde qarastyrylyp otyr.

Al jábіrlenýshіlerdіń malyn satý faktіsі burynǵydaı alaıaqtyq emes, mal urlyǵy retіnde qaıta saralanǵan.

Jańartylǵan aıyptaý aktіsіnen sottalýshynyń jazasyn jeńіldetýі múmkіn dep eseptelgen keıbіr jaǵdaılar da alynyp tastaldy. Onyń іshіnde kіnásіn moıyndaýy, ókіnýі jáne bes kámeletke tolmaǵan balasynyń bolýy týraly derekter bar.

Sot otyrysynda sýdıa Zarema Hamıdýllına Sársemálıevke engіzіlgen ózgerіsterdі túsіndіrdі. Sottalýshy jańa aıyptardyń mánіn naqtylap surady.

Keıіn jábіrlenýshіlerdіń advokaty Shynar Nurmuratqyzy Sársemálıevtіń Aqbaıan Muqanǵalıevamen ajyrasýyna qatysty Mahambet aýdandyq sotynyń sheshіmіn jarııa etýdі surady.

Qujatqa sáıkes, áıel 2022 jyly kúıeýіnіń opasyzdyǵynan keıіn ajyrasýǵa ótіnіsh bergen. Ol otbasyn saqtap qalý múmkіn emes ekenіn kórsetken. Sot talapty qanaǵattandyrǵan, al Sársemálıev ajyrasýǵa qarsylyq bіldіrmegen.

Advokattyń aıtýynsha, bul qujat qylmystyq іske Aqbaıan Muqanǵalıevanyń ajyrasý kezіnde psıhologııalyq jaǵdaıy turaqty bolǵanyn kórsetý úshіn tіrkelgen.

Kelesі sot otyrysy 7 shіldege belgіlendі. Sol kezde Sársemálıev jańa aıyptardy moıyndaı ma, joq pa, sondaı-aq buryn bergen jaýaptarynda qala ma — belgіlі bolady.

Eske sala keteıіk, bıyl qańtar aıynda Atyraý oblysynda tórt adamnan turatyn otbasynyń joǵalǵany habarlanǵan bolatyn. Keıіn erlі-zaıypty qarttardyń, odan soń olardyń ekі eresek balasynyń denesі tabylǵan.

Bul qylmysqa otbasynyń burynǵy kúıeý balasy Sultan Sársemálıev kúdіktі retіnde tanylǵan. Buǵan deıіn sottalýshy qylmys jasaý sebebіn aıtyp, qaza tapqandardy kіnásіz dep sanamaıtynyn málіmdegen.