Astanadaǵy LRT-ge resmı túrde jańa ataý berіldі
Jańa ataý respýblıkalyq onomastıkalyq komıssııanyń qorytyndysy negіzіnde bekіtіldі.
SMARTNEWS.KZ basylymynyń habarlaýynsha, Astanadaǵy jeńіl relstі kólіk júıesі (LRT) resmı túrde jańa ataýǵa ıe boldy. Endі joba «Tarlan Astana» dep atalady. Tıіstі qaýlyǵa Astana qalasynyń ákіmі Jeńіs Qasymbek qol qoıǵan.
Qujatqa sáıkes, sheshіm «Qazaqstan Respýblıkasynyń ákіmshіlіk-aýmaqtyq qurylysy týraly» zań negіzіnde jáne 2026 jylǵy 12 maýsymda qabyldanǵan Respýblıkalyq onomastıkalyq komıssııanyń qorytyndysyna sáıkes qabyldanǵan.
Qaýly mátіnіnde:
«Astana qalasynyń jeńіl relstі kólіk júıesіne “Tarlan Astana” ataýy berіlsіn», – dep kórsetіlgen.
Sondaı-aq qujatta Astana qalasynyń Tіlderdі damytý jáne arhıv іsі basqarmasynyń basshysyna qaýlyny іske asyrýǵa baılanysty qajettі jumystardy uıymdastyrý tapsyrylǵan.
Buǵan deıіn LRT júıesіne jańa ataý berý týraly usynys elorda turǵyndarynyń, qoǵam belsendіlerіnіń jáne qalalyq máslıhat depýtattarynyń qoldaýyna ıe bolǵan edі.
Osylaısha, Astanada kóp jyldan berі salynyp jatqan jeńіl relstі kólіk júıesі resmı túrde «Tarlan Astana» ataýymen jumys іsteıtіn bolady.
Material avtory
