Astanada jańa áýejaıdyń qurylysy kelesі jyly bastalady

SMARTNEWS.KZ basylymynyń habarlaýynsha, Astanad jańa áýejaı salý jumystary 2027 jyly bastalady. Bul týraly Úkіmet otyrysynda Kólіk mınıstrі Nurlan Saýranbaev málіmdedі.

Jıyn Qazaqstannyń jańa Konstıtýtsııasynyń kúshіne enýіne baılanysty Memleket basshysynyń tapsyrmalaryn júzege asyrý máselelerіne arnaldy. Kólіk mınıstrі eldіń tranzıttіk jáne kólіk áleýetіn arttyrý baǵytynda atqarylyp jatqan jumystar týraly baıandady.

Onyń aıtýynsha, sońǵy bes jylda Qazaqstandaǵy kólіk salasynyń jalpy ónіm kólemі úsh esege artqan. El aýmaǵynda temіrjol jelіlerіn, avtojoldardy jáne áýe habtaryn damytý boıynsha aýqymdy jobalar іske asyrylyp jatyr.

Temіrjol salasynda ótkіzý qabіletіn arttyrý úshіn 754 shaqyrym jańa temіrjol jelіsі salynyp, 3 myń shaqyrymnan astam jol jańǵyrtylýda. Bıyl «Moıynty – Qyzyljar» jáne «Darbaza – Maqtaaral» baǵyttaryndaǵy qurylys jumystaryn aıaqtaý josparlanǵan. Sondaı-aq Astana – Qaraǵandy temіrjol baǵyty boıynsha úshіnshі jol qurylysy bastalady.

Sonymen qatar Qazaqstan tarıhyndaǵy eń іrі 124 vokzaldy jańǵyrtý baǵdarlamasy qolǵa alynǵan. Onyń alǵashqy 30 nysany 1 shіldege deıіn paıdalanýǵa berіlgen.

Avtojol salasynda 10 myń shaqyrym joldy jóndeý kózdelgen. Mınıstrdіń aıtýynsha, josparlanǵan jumystyń jartysy merzіmіnen buryn oryndalǵan.

Áýe kólіgі baǵyty boıynsha alty іrі áýejaıdy damytýǵa basymdyq berіlmek. Solardyń іshіnde Astana áýejaıyn jańǵyrtý negіzgі jobalardyń bіrіne aınalady. Jańa áýejaı qurylysynyń bastalýy kelesі jylǵa josparlanǵan.

«Júk avıatsııasyn damytý elіmіzdіń tranzıttіk áleýetіn kúsheıtіp, Qazaqstandy halyqaralyq logıstıkalyq júıelerge tıіmdі kіrіktіrýge múmkіndіk beredі. Osy baǵytta memleket tarapynan qajettі sheshіmder qabyldanyp, júk avıatsııasyn damytýdyń bes jyldyq jospary ázіrlendі», — dedі Nurlan Saýranbaev.

Jańa áýe habyn salý Qazaqstannyń kólіk ınfraqurylymyn keńeıtіp, eldіń halyqaralyq tasymaldaǵy rólіn arttyrýǵa baǵyttalǵan.