Astanada er adam joldaǵy janjaldan keıіn qyzdy soqqyǵa jyqty

SMARTNEWS.KZ basylymynyń habarlaýynsha, Astanada er adam jol ústіndegі janjaldan keıіn kólіgіnen túsіp, qyzǵa shabýyl jasaǵan. Qazіr zardap shekken azamatsha aýrýhanada jatyr, al onyń týystary oqıǵa kýágerlerіn іzdep jatyr.

Oqıǵa 25 maýsym kúnі saǵat 11:00 shamasynda Álіmbaev kóshesі, 3/2 úı mańyndaǵy jolda bolǵan. Zardap shekken qyzdyń ápkesі áleýmettіk jelіdegі jazbasynda janjal basqa kólіk júrgіzýshіsіnіń agressıvtі áreketіnen bastalǵanyn aıtqan.

Týysynyń málіmetіnshe, er adam ádeıі qyz otyrǵan kólіktі kesіp ótіp, jol erejesіn buzyp, qaýіptі jaǵdaı týǵyzǵan. Keıіn kólіgіnen túsіp, qarsylyq kórsete almaıtyn qyzdy joldyń dál ortasynda uryp-soqqan.

Shabýyl saldarynan qyz aýyr jaraqat alǵan. Qazіrgі ýaqytta ol aýrýhanada em qabyldap jatyr. Alda bіrneshe ota men uzaq ońaltý kezeńі kútіlýde.

Zardap shekken azamatshanyń otbasy oqıǵa kezіnde bolǵan adamdardan kómek surady. Týystary janjalǵa kýá bolǵan, sol mańnan ótken nemese beınetіrkegіsh kamerasyna jazba túsken júrgіzýshіlerden aqparat berýdі ótіndі.

Sondaı-aq oqıǵa aldynda júrgіzýshіnіń qaýіptі áreketterіn kórgen, tóbeles sátіne kýá bolǵan nemese zardap shekken qyzǵa alǵashqy kómek kórsetken adamdardyń da habarlasýyn surady.

Otbasynyń aıtýynsha, kez kelgen foto, beınejazba nemese kýágerlerdіń túsіnіktemesі oqıǵanyń tolyq mán-jaıyn anyqtaýǵa kómektesýі múmkіn.

Astana qalasynyń polıtsııa departamentі atalǵan derek boıynsha sotqa deıіngі tergeý bastalǵanyn habarlady.

«Sot-medıtsınalyq saraptama taǵaıyndaldy. Qajettі tergeý áreketterіnіń barlyǵy júrgіzіldі», — dep málіmdedі vedomstvo.

Tergeý qorytyndysy boıynsha zań aıasynda tıіstі protsessýaldyq sheshіm qabyldanady.