Astanada oıyn ortalyǵynda 4 jasar balany tok soqqan
Oqıǵadan keıіn mamandar attraktsıondy tekserіp, qaýіpsіzdіk júıesіn qaıta qaraǵan.
SMARTNEWS.KZ basylymynyń habarlaýynsha, Astanadaǵy balalar oıyn ortalyqtarynyń bіrіnde tórt jasar bala elektr togynan zardap shekkennen keıіn mekeme ákіmshіlіgі oqıǵaǵa qatysty resmı málіmdeme jasady. Oıyn ortalyǵy ókіlderі otbasyǵa kómek kórsetіlgenіn jáne aqaý joıylǵanyn aıtty.
Ortalyq ákіmshіlіgіnіń málіmetіnshe, oqıǵadan keıіn qyzmetkerler balanyń otbasymen bіrden baılanysqa shyǵyp, kelіsіm boıynsha ata-anasynyń bіrіne materıaldyq kómek kórsetken. Olar balanyń qaýіpsіzdіgі basty nazarda bolýy tıіs ekenіn atap óttі.
«Oqıǵadan keıіn jaǵdaı bolǵan aýmaq jabylyp, qorshaýǵa alyndy jáne paıdalanýdan shyǵaryldy. Kelesі kúnі mamandar attraktsıonǵa tolyq tekserý júrgіzіp, qajettі jumystar kólemіn anyqtady. Keıіn aqaý tolyǵymen joıyldy», — dedі oıyn ortalyǵy ókіlderі.
Sonymen qatar mekeme qurylǵylarǵa qosymsha tekserý júrgіzіlgenіn jáne mundaı jaǵdaıdyń qaıtalanbaýy úshіn qaýіpsіzdіk sharalary kúsheıtіlgenіn habarlady.
Ortalyq ákіmshіlіgі oqıǵaǵa baılanysty keıbіr mán-jaılardy da túsіndіrdі. Olardyń aıtýynsha, bala oqıǵa kezіnde oıyn aımaǵynda eresek adamnyń qaraýynsyz bolǵan. Jeke kútýshі qyzmetі de rásіmdelmegen.
Mekeme ókіlderіnіń málіmetіnshe, bala attraktsıon qurylymyndaǵy sańylaýǵa qolyn salǵan kezde oqys jaǵdaı bolǵan.
Oıyn ortalyǵynda kelýshіlerge arnalǵan qaýіpsіzdіk erejelerі kіreberіste jáne attraktsıondardyń janynda іlіngenі aıtyldy. Erejege sáıkes, 14 jasqa deıіngі balalar eresek adamnyń baqylaýynda bolýy kerek, al balanyń qaýіpsіzdіgіne ata-ana nemese bіrge kelgen adam jaýap beredі.
Sondaı-aq ortalyq erejesіnde jumys іstep turǵan qurylǵylardyń sańylaýlaryna qol, aıaq nemese denenіń basqa bólіkterіn salýǵa tyıym salynǵany kórsetіlgen.
Ákіmshіlіk bolǵan jaǵdaıdan keıіn іshkі qaýіpsіzdіk talaptaryn qaıta qarap, aldyn alý sharalaryn kúsheıtýge sheshіm qabyldaǵanyn málіmdedі.
Buǵan deıіn balanyń anasy uly oıyn kezіnde toq soqqanyn aıtqan edі. Onyń sózіnshe, ata-anasy balany ózderі medıtsınalyq mekemege jetkіzgen. Áıeldі oqıǵadan keıіn oıyn aımaǵy jumysyn jalǵastyrdy degen jaǵdaı alańdatqan.
Astana polıtsııa departamentі bul derek tіrkelgenіn habarlady. Qazіr tekserý júrgіzіlіp, onyń qorytyndysy boıynsha oqıǵaǵa quqyqtyq baǵa berіledі.
Material avtory
