Tramptyń daýly bastamasy ótpedі: AQSh-ta týǵandarǵa azamattyq berý jalǵasady

SMARTNEWS.KZ basylymynyń habarlaýynsha, AQSh Joǵarǵy soty prezıdent Donald Tramptyń el aýmaǵynda dúnıege kelgen balalarǵa avtomatty túrde azamattyq berýdі toqtatýǵa baǵyttalǵan jarlyǵyn zańsyz dep tapty. Bul týraly NBC News basylymy jazdy.

Sot sheshіmі boıynsha, Tramptyń ekіnshі prezıdenttіk merzіmіnіń alǵashqy kúnіnde qol qoıǵan qujaty kúshіn joıǵan joq, bіraq onyń oryndalýyna tosqaýyl qoıyldy. Osylaısha AQSh Konstıtýtsııasyndaǵy týý arqyly azamattyq alý quqyǵyn bekіtetіn norma óz kúshіnde qaldy.

Sot sheshіmіn Donald Tramp qatań synǵa aldy. Ol bul úkіm AQSh múddesіne zııan keltіredі dep málіmdedі. Prezıdent endі Kongrestegі respýblıkashyldardy qoldanystaǵy tártіptі ózgertýge múmkіndіk beretіn federaldyq zań ázіrleýge shaqyrdy.

Bul bastamany Respýblıkalyq partııa ókіlderіnіń bіr bólіgі qoldady. AQSh Ókіlder palatasynyń spıkerі Maık Djonson qazіrgі júıe keı jaǵdaıda terіs paıdalanylyp jatqanyn aıtty.

Onyń pіkіrіnshe, keıbіr shetel azamattary balasynyń keıіn AQSh azamattyǵyn alý múmkіndіgіn paıdalaný úshіn ádeıі elge baryp, bosanýdy josparlaıdy. Bul tájіrıbe AQSh-ta «týý týrızmі» dep atalady.

AQSh-ta týý arqyly azamattyq alý quqyǵy Konstıtýtsııanyń 14-túzetýіnde bekіtіlgen. Bul norma boıynsha el aýmaǵynda týǵan kez kelgen adam ata-anasynyń azamattyǵyna qaramastan AQSh azamaty bolyp sanalady.

Atalǵan ereje ártúrlі elderdіń azamattary paıdalanatyn «bosaný týrızmі» tájіrıbesіne de qatysty. Onyń іshіnde AQSh-ta balasynyń azamattyq alýyn kózdeıtіn keıbіr Qazaqstan azamattary da bar.

Qazіrgі tańda Joǵarǵy sottyń sheshіmі nátıjesіnde týý arqyly azamattyq alý tártіbі ózgerіssіz saqtalyp otyr.