Jazadan jaltarǵan qazaqstandyq áıel Reseıde ustalyp, elge jetkіzіldі
Qaraqshylyq shabýyl men urlyq úshіn sottalǵan áıel jazasyn óteýden jaltaryp ketken.
SMARTNEWS.KZ basylymynyń habarlaýynsha, top bolyp jasalǵan qaraqshylyq shabýyl men urlyq іsі boıynsha sottalǵan, jazasyn óteýden jaltaryp júrgen Qazaqstan azamaty Reseıden elge ekstradıtsııalandy. Bul týraly Bas prokýratýra málіmdedі.
Bas prokýratýranyń habarlaýynsha, Qazaqstan Respýblıkasy Reseı Federatsııasynan sot úkіmі zańdy kúshіne engen áıeldі elge qaıtaryp, jazasyn óteýіn qamtamasyz ettі.
Qaraǵandy qalasynyń Álıhan Bókeıhan aýdandyq sotynyń 2024 jylǵy 10 mamyrdaǵy úkіmіmen áıel adamdar toby quramynda kúsh qoldanyp qaraqshylyq shabýyl jasaǵany jáne bótennіń múlkіn urlaǵany úshіn kіnálі dep tanylǵan. Oǵan úsh jyl merzіmge bas bostandyǵyn shekteý jazasy taǵaıyndalǵan.
Alaıda probatsııalyq baqylaýda júrgen sottalǵan áıel 2025 jyldyń naýryz aıynda jazasyn óteýden óz betіnshe jaltaryp ketken. Sonyń saldarynan ótelmegen 1 jyl 4 aı 7 kúndіk jaza bas bostandyǵynan aıyrýmen almastyrylyp, oǵan іzdeý jarııalanǵan.
2025 jyldyń qarasha aıynda áıel Reseı aýmaǵynda ustalǵan. Qazaqstan Bas prokýratýrasynyń suraýy negіzіnde ol elge ekstradıtsııalandy.
Qazіrgі ýaqytta sottalǵan áıel jazasyn árі qaraı óteý úshіn tergeý ızolıatoryna qamaldy.
Material avtory
