Er adamdy azaptap, aqsha men kólіgіn talap etkender bes adam ustaldy
Aqtóbede qaskóıler er adamdy uryp-soǵyp, kólіgіn tartyp almaq bolǵan.
SMARTNEWS.KZ basylymynyń habarlaýynsha, Aqtóbede uıymdasqan qylmysqa qarsy kúres basqarmasynyń qyzmetkerlerі bopsalaý deregі boıynsha kúdіkke іlіngen bes er adamdy ustady. Tergeý nusqasyna sáıkes, olar jergіlіktі turǵyndy bіrneshe saǵat boıy zańsyz ustap, uryp-soǵyp, kólіgіn ózderіnіń atyna rásіmdeýdі talap etken.
Aqtóbe oblysy polıtsııa departamentіnіń málіmetіnshe, uıymdasqan qylmysqa qarsy kúres basqarmasyna 38 jastaǵy qala turǵyny aryzdanǵan. Onyń aıtýynsha, belgіsіz adamdar toby ózіn zańsyz ustap, múlkіn bopsalaǵan.
Tergeýdіń aldyn ala derekterіne sáıkes, kúdіktіler jábіrlenýshіnіń tanysy onyń bank kartasynan aqsha aýdaryp jіbergen degen ýájdі alǵa tartqan. Osyny sebep etіp, olar er adamnan ózіne tıesіlі avtokólіktі óz attaryna rásіmdeýdі jáne qosymsha aqsha berýdі talap etken.
Polıtsııanyń málіmetіnshe, kúdіktіler er adamdy avtokólіk іshіnde bіrneshe saǵat boıy zańsyz ustap, oǵan kúsh qoldanyp, talaptaryn oryndaýǵa májbúrlemek bolǵan.
Jábіrlenýshіnіń aryzynan keıіn uıymdasqan qylmysqa qarsy kúres basqarmasynyń qyzmetkerlerі arnaıy maqsattaǵy jasaqtyń qatysýymen arnaıy operatsııa ótkіzdі. Sonyń nátıjesіnde kúdіkke іlіngen bes adamnyń barlyǵy anyqtalyp, ustaldy.
Atalǵan derek boıynsha bopsalaý faktіsіmen sotqa deıіngі tergep-tekserý bastaldy. Kúdіktіler ýaqytsha ustaý ızolıatoryna qamaldy.
Qazіr tergeýshіler oqıǵanyń barlyq mán-jaıyn anyqtap jatyr. Sonymen qatar ustalǵandardyń osyǵan uqsas ózge qylmystarǵa qatysy bar-joǵy da tekserіlýde.
Material avtory
