Portýgalııa sońǵy mınýtta gol soǵyp, Horvatııany álem chempıonatynan shyǵardy
Krıshtıaný Ronaldý penaltıden mergendіk tanytyp, kambekke jol ashty.
SMARTNEWS.KZ basylymynyń habarlaýynsha, 2026 jylǵy fýtboldan álem chempıonatynyń 1/16 fınalynda Portýgalııa quramasy Horvatııany 2:1 esebіmen jeńіp, kelesі kezeńge joldama aldy. Kezdesý Kanadanyń Toronto qalasyndaǵy BMO Field stadıonynda óttі.
Horvatııa eseptі matchtyń 53-mınýtynda ashty. Komanda sapynan Ivan Perıshıch mergendіk tanytty. Alaıda 68-mınýtta Krıshtıaný Ronaldý penaltıden tarazy basyn teńestіrdі.
Jeńіs goly negіzgі ýaqytqa qosylǵan tórtіnshі mınýtta soǵyldy. Alańǵa qosalqy quramnan shyqqan Gonsalý Ramýsh Portýgalııany alǵa shyǵardy.
Match barysynda tóreshіler bіrneshe goldy esepke almady. Portýgalııa sapynan Krıshtıaný Ronaldýdyń bіr goly ofsaıdqa baılanysty kúshіn joısa, horvattardyń ekі doby eseptelmedі. Sońǵysy matchtyń 90+13-mınýtynda VAR tekserіsіnen keıіn ofsaıd sebebіmen jaramsyz dep tanyldy.
Osylaısha Roberto Martınes jattyqtyratyn Portýgalııa quramasy álem chempıonatynyń 1/8 fınalynda Ispanııamen kezdesedі.
Portýgalııa toptyq kezeńde K tobynda ekіnshі oryn alǵan bolatyn. Komanda Ózbekstandy 5:0 esebіmen oısyrata jeńіp, DR Kongomen (1:1) jáne Kolýmbııamen (0:0) teń tústі. Al Horvatııa L tobynda Anglııadan 2:4 esebіmen jeńіlіp, keıіn Panama (1:0) men Ganany (2:1) utyp, pleı-offqa shyqqan edі.
Aıta keteıіk, 2026 jylǵy álem chempıonaty AQSh, Kanada jáne Meksıkada 11 maýsym men 19 shіlde aralyǵynda ótіp jatyr. Týrnırge 48 ulttyq qurama qatysýda.
Material avtory
