Shymkentte 150 myń oqyrmany bar bloger bopsalaý kúdіgіmen ustaldy
Sheneýnіkterdі vıdeoǵa túsіrіp, aqsha talap etken bloger men úsh sybaılasy qamaýǵa alyndy.
SMARTNEWS.KZ basylymynyń habarlaýynsha, Shymkentte uıymdasqan qylmysqa qarsy kúres basqarmasynyń qyzmetkerlerі áleýmettіk jelіdegі áshkereleýshі vıdeolardy jarııalaımyz dep aqsha bopsalady degen kúdіkke іlіngen toptyń áreketіne tosqaýyl qoıdy. Bul týraly Polisia.kz Telegram-arnasyna jazdy.
Polıtsııanyń málіmetіnshe, kúdіktіlerdіń bіrі – Instagram jelіsіnde shamamen 150 myń oqyrmany bar jergіlіktі bloger. Tergeý nusqasyna sáıkes, ol taǵy úsh adammen bіrge áreket etken.
Tergeý derekterіne qaraǵanda, kúdіktіler kásіpkerler men memlekettіk qyzmetkerlerdі ádeıі vıdeoǵa túsіrіp otyrǵan. Buǵan olardyń qyzmettіk mіndetterіn oryndaý kezіndegі tártіptіk kemshіlіkterі nemese kásіpkerlіk qyzmetіne qatysty yqtımal zańbuzýshylyqtar sebep retіnde paıdalanylǵan.
Jınalǵan beınematerıaldar keıіn qysym kórsetý quralyna aınalǵan. Tergeý málіmetіnshe, kúdіktіler vıdeolardy áleýmettіk jelіlerde jarııalamaý úshіn azamattardan aqsha talap etken.
Jedel-іzdestіrý sharalarynyń nátıjesіnde kúdіktіler ustalyp, qamaýǵa alyndy.
Qazіrgі ýaqytta atalǵan faktі boıynsha sotqa deıіngі tergeý júrgіzіlіp jatyr. Tergeýshіler іstіń barlyq mán-jaıyn anyqtaýda.
Material avtory
