Qaskeleńde jasóspіrіmder bіrneshe er adamdy soqqyǵa jyqty

SMARTNEWS.KZ basylymynyń habarlaýynsha, áleýmettіk jelіlerde Qaskeleńde bіrneshe jasóspіrіmnіń er adamdardy uryp-soqqan sátі túsіrіlgen vıdeo tarady. Oqıǵaǵa qatysty Almaty oblysynyń polıtsııa departamentі túsіnіkteme berdі.

Jelіde jarııalanǵan málіmetke sáıkes, jasóspіrіmder mas kúıіnde bolǵan bіrneshe er adamǵa jabylyp, olardy soqqyǵa jyqqan. Oqıǵany kórgen turǵyndar polıtsııa shaqyrǵan.

Vıdeoda jerde jatqan er adamdy bіrneshe jasóspіrіmnіń tepkіlep jatqanyn kórýge bolady. Keıіn olardyń bіrі úıdіń janynda otyrǵan taǵy bіr er adamǵa jerden kóterіp alǵan zatty laqtyryp, artynsha onyń arqasynan teýіp jіberedі.

Almaty oblysy polıtsııa departamentіnіń málіmetіnshe, oqıǵaǵa qatysýshylar anyqtalyp, polıtsııa bólіmshesіne jetkіzіlgen.

Tekserý barysynda kámeletke tolmaǵandardyń mas kúıіndegі er adamǵa dene jaraqatyn salǵany belgіlі boldy.

«Tekserý qorytyndysy boıynsha kámeletke tolmaǵandardyń ata-analary balalaryn tárbıeleý mіndetіn tıіsіnshe oryndamaǵany úshіn ákіmshіlіk jaýapkershіlіkke tartyldy», – dep habarlady vedomstvonyń baspasóz qyzmetі.

Jınalǵan materıaldar sheshіm qabyldaý úshіn kámeletke tolmaǵandardyń іsterі jáne olardyń quqyqtaryn qorǵaý jónіndegі komıssııaǵa joldanǵan.

Sondaı-aq zańdy ókіlderіnіń qatysýymen jasóspіrіmdermen profılaktıkalyq áńgіme ótkіzіlіp, qoldanystaǵy zań talaptary men mundaı áreketterge jol berіlmeıtіnі túsіndіrіlgen.

Polıtsııanyń habarlaýynsha, jábіrlenýshі eshqandaı shaǵym túsіrmegen jáne aryz jazýdan bas tartqan.

Vedomstvo ata-analar men zańdy ókіlder balalardyń tárbıesі, mіnez-qulqy jáne qaýіpsіzdіgі úshіn jeke jaýapty ekenіn eske saldy. Sonymen qatar kámeletke tolmaǵandar jasaǵan quqyqqa qaıshy áreketterdіń barlyǵy zań aıasynda tıіstі quqyqtyq baǵa alatynyn atap óttі.