Kontent úshіn shlagbaýmdy syndyryp, kóshede dáret syndyrǵan almatylyq qamaýǵa alyndy
Áleýmettіk jelіde taraǵan vıdeo polıtsııanyń tekserýіne negіz bolyp, quqyq buzýshy anyqtaldy.
SMARTNEWS.KZ basylymynyń habarlaýynsha, Almatyda áleýmettіk jelіge vıdeo túsіrý úshіn shlagbaýmdy syndyryp, qoǵamdyq orynda dáret syndyrǵan jas jіgіt 15 táýlіkke ákіmshіlіk qamaýǵa alyndy. Bul týraly Almaty qalasy polıtsııa departamentі jazdy.
Polıtsııanyń málіmetіnshe, oqıǵa beınejazbasy áleýmettіk jelіlerde keń taraǵannan keıіn quqyq qorǵaý organdary tekserýdі óz bastamasymen júrgіzgen. Azamattardan aryz túspese de, Almaly aýdandyq polıtsııa qyzmetkerlerі vıdeoǵa qatysy bar adamdardy anyqtap, aýdandyq polıtsııa basqarmasyna jetkіzgen.
Tekserý barysynda quqyqqa qaıshy áreketterdі Almaty qalasynyń turǵyny jasaǵany belgіlі boldy. Oǵan qatysty usaq buzaqylyq jáne bótennіń múlkіn qasaqana búldіrý baptary boıynsha ákіmshіlіk materıaldar rásіmdeldі.
Sot sheshіmіmen quqyq buzýshy 15 táýlіkke ákіmshіlіk qamaýǵa alyndy.
Almaty qalasynyń polıtsııa departamentі áleýmettіk jelіde tanymal bolý úshіn zańdy buzý áreketterі mіndettі túrde quqyqtyq jaýapkershіlіkke ákeletіnіn eskerttі.
Material avtory
