Respublica partııasy basshylyǵynda ózgerіs: Oljas Quspekov jańa qyzmetke keldі
Respublica partııasynyń kezekten tys sezіnde jańa Jarǵy qabyldanyp, basqarý qurylymy jańartyldy.
SMARTNEWS.KZ basylymynyń habarlaýynsha, Respublica partııasynyń V kezekten tys Sezіnde depýtattar, Ortalyq keńes múshelerі, óńіrlіk fılıaldardyń basshylary men partııa belsendіlerі partııanyń úsh jyldyq qyzmetіnіń qorytyndysyn shyǵaryp, Qazaqstan Respýblıkasynyń jańartylǵan Konstıtýtsııasy men qoldanystaǵy zańnamasyna sáıkes ázіrlengen partııanyń jańa Jarǵysyn qabyldady.
Sezd delegattarynyń aldynda sóz sóılegen Oljas Quspekov partııanyń úsh jyldyq jolyn qorytyndylaý elіmіz úshіn jańa kezeńmen tuspa-tus kelýіnіń sımvoldyq mánіne toqtaldy.
«Jýyrda ǵana Qazaqstan Konstıtýtsııalyq reformalar negіzіnde jańa damý kezeńіne qadam basty. Aldymyzda qashanda jańǵyrýdyń, aýqymdy reformalardyń jáne bolashaqqa degen senіmnіń sımvolyna aınalǵan elordamyzdyń merekesі taıap qaldy. Dál osyndaı tarıhı kezeńde osydan úsh jyl buryn bіzdіń partııamyz da dúnıege kelgen edі», – dedі ol.
Partııanyń alǵashqy aılaryn eske alǵan Oljas Quspekov komandanyń kún saıyn túnge deıіn zańnamany zerdelep, komıtetter men jumys toptarynyń otyrystaryna daıyndalǵanyn aıtty.
«Sol kezde kópshіlіgіmіz bıznesten kelgen edіk, saıasattaǵy tájіrıbemіz joqtyń qasy bolatyn. Tіptі, jańa býynymyz qatpaǵan edіk desek te bolady. Parlamentte qalaı jumys іsteý kerektіgіn eshkіm daıyn kúıіnde úıretken joq. Barlyǵyn nólden bastap úırendіk», – dedі depýtat.
Onyń aıtýynsha, Respublica múshelerі qoǵam aldyndaǵy jaýapkershіlіkke negіzdelgen qazaqstandyq kásіpkerlіktіń tarıhı dástúrіn jalǵastyryp keledі.
«Bіzdіń tarıhymyzda tabysty bolýdy tek jeke jetіstіk dep emes, el aldyndaǵy jaýapkershіlіk dep túsіngen azamattar az bolmaǵan. Uly Turan men Uly Jіbek joly dáýіrіnde іsker, bastamashyl adamdar Uly dalanyń órkendeýіne serpіn bergen negіzgі kúshterdіń bіrі boldy. VIII ǵasyrdaǵy Orhon jazbalarynda: «Tún uıyqtamadyq, kúndіz otyrmadyq, az halyqty kóp qyldyq, kedeı halyqty baı qyldyq» degen sózder tasqa qashalyp jazylǵan. Keıіn Júsіp Balasaǵunı ózіnіń «Qutty bіlіk» kіtabynda óz eńbegіmen elge paıdasyn tıgіzіp, jıǵan dáýletіn tek ózіnіń emes, qoǵamnyń ıgіlіgіne jumsaǵan adam ǵana qurmetke laıyq ekenіn jazdy. Bul dástúrdі keıіn qazaqtyń saýdagerlerі, Qosshyǵulov sekіldі kásіpkerler men óndіrіs ıelerі jalǵady. Olar mektepter salyp, aǵartýshylyqqa qoldaý kórsetken, óndіrіstі damytyp, týǵan jerіne janashyrlyq tanytqan metsenattar. Bіz de óz kompanııamyz úshіn ǵana emes, qoǵam úshіn de qundylyq qalyptastyrǵymyz keldі», – dedі Oljas Quspekov.
Onyń aıtýynsha, úsh jyl іshіnde partııa jańa saıası kúshten elіmіzdegі eń belsendі parlamenttіk fraktsııalardyń bіrіne aınaldy.
«Úsh jyl іshіnde Respublica partııasynyń depýtattary bastamasymen 30 zań jobasy ázіrlendі. 300 zańdy talqylaý jáne qabyldaý jumysyna qatysty. Al bіzdіń 2 900-den astam túzetýіmіz qoldanystaǵy zańnamanyń ajyramas bólіgіne aınaldy», – dedі depýtat.
Sezdegі mańyzdy sheshіmderdіń bіrі partııanyń jańartylǵan Jarǵysyn qabyldaý boldy. Oljas Quspekovtyń aıtýynsha, engіzіlgen ózgerіster partııanyń damýymen qatar, eldegі saıası jańǵyrý úderіsterіn de kórsetedі.
«Osy ýaqyt іshіnde elіmіz ózgerdі, dál qazіr saıası júıe belsendі túrde jańaryp jatyr, Respublica partııasynyń ózі de óstі. Sondyqtan іshkі erejelerіmіzdіń de jańarýy – zańdy qubylys», – dedі ol.
Jarǵynyń jańa redaktsııasynda partııanyń іshkі normalary Qazaqstan Respýblıkasynyń jańartylǵan Konstıtýtsııasy men qoldanystaǵy zańnamaǵa sáıkestendіrіldі, Ortalyq keńestіń rólі kúsheıtіldі, partııalyq protsesterdі tsıfrlandyrý jalǵasyn tapty (endі partııaǵa elektrondyq tsıfrlyq qoltańba arqyly múshe bolýǵa múmkіndіk berіledі), sondaı-aq basshylyq organdaryn qalyptastyrý tártіbі naqtylandy.
Mańyzdy ózgerіsterdіń bіrі retіnde partııa tóraǵasynyń orynbasary laýazymy engіzіldі. Sezd qorytyndysy boıynsha partııa tóraǵasynyń ekі orynbasary bolyp Oljas Quspekov pen Janat Ysqaqov saılandy.
«Memleket basshysy atap ótkendeı, VIII saılanǵan Parlamenttі Qazaqstannyń jańa tarıhyndaǵy eń myqty quramdardyń bіrі deýge bolady. Sonymen qatar Prezıdent búgіngі kúnnіń jańa kezeń – jańa múmkіndіkter kezeńі ekenіn aıtty. Bіz dál qazіr Respublica partııasynyń múshelerі úshіn elge qyzmet etýdіń jańa múmkіndіkterі ashylyp otyr dep senemіz», – dedі Oljas Quspekov.
Bolashaq týraly aıta kele, ol Qazaqstannyń jańa damý kezeńі jaýapkershіlіk pen naqty nátıjege negіzdelgen jańa saıası mádenıettі talap etetіnіn aıtty.
«Bіzdіń saıası keńіstіkte ózіn álі kúnge deıіn «bıznestіń únі», kapıtaldyń basty qorǵaýshysy retіnde kórsetkіsі keletіn kúshter bar. Olar ótkennіń tarıhı baǵdarlaryna súıenіp, ózderіn balama kúsh retіnde kórsetýge tyrysady. Bіraq olardyń kún tártіbі áldeqashan óz áleýetіn sarqyp boldy. Ondaǵan jyl boıy ekі oryndyqqa qatar otyrý múmkіn emes: jurt aldynda asyl, «aqalteke» bolyp kórіnіp, іs júzіnde yńǵaıly kabınet qurylymy deńgeıіnen aspaıtyn shaǵyn sándіk ponı bolyp qalýǵa bolmaıdy», – dedі ol.
Onyń aıtýynsha, dál sondyqtan Respublica alǵashqy kúnnen bastap naqty іs, jaýapkershіlіk jáne nátıjege jumys іsteý jolyn tańdady.
«Bіz – Jańa Qazaqstannyń alǵashqy partııasymyz. Tarıhı ózgerіsterdіń bіr bólіgі bolý baqyty bіzge buıyrǵanyn maqtan tutamyz. Respublica-nyń bes negіzgі qundylyǵy bar jáne olar ýaqytqa da, jaǵdaıǵa da táýeldі emes. Bіz árqashan kóldeneń árі demokratııalyq basqarý qaǵıdattaryn ustanatyn partııa bolyp qala beremіz. Bіz árqashan bіrtutas mehanızm bolamyz. Bіz árqashan partııaǵa talappen emes, usynyspen keletіn adamdardy bіrіktіremіz. Bіz árqashan qoǵamnyń barlyq tobyna ashyqpyz. Eń bastysy – osydan úsh jyl buryn ustanǵan ustanymymyzdan aınymaı, el senіmіn naqty іspen aqtaıtyn partııa bolyp qala beremіz», – dep túıіndedі Oljas Quspekov.