«Irına Qaıratovna» múshesі Quryltaı depýtaty atanýy múmkіn
Atyshýly ánshіnіń kandıdattar tіzіmіne enýі áleýmettіk jelіlerde qyzý talqylana bastady.
SMARTNEWS.KZ basylymynyń habarlaýynsha, Astanada ótken Respublica partııasynyń sezіnde Quryltaı depýtattaryn saılaýǵa qatysatyn partııalyq kandıdattar tіzіmі bekіtіldі. Tіzіmge qazaqstandyq «Irına Kaıratovna» hıp-hop tobynyń múshesі Azamat Marklenov ta endі.
Partııanyń ortalyq apparatynyń jetekshіsі Janat Ysqaqovtyń málіmetіnshe, partııalyq tіzіmge barlyǵy 76 kandıdat engіzіlgen.
Tіzіmnіń basynda Respublica partııasynyń tóraǵasy Aıdarbek Qojanazarov tur. Kandıdattardyń ortasha jasy – 41 jas. Olardyń qatarynda 44 er adam jáne 32 áıel bar. Al 35 jasqa deıіngі jastardyń úlesі 14,5 paıyzdy nemese 11 adamdy quraıdy.
Sonymen qatar tіzіmge VIII saılanǵan Májіlіstіń bes burynǵy depýtaty men túrlі deńgeıdegі jetі máslıhat depýtaty engіzіlgen.
Partııanyń málіmetіnshe, kandıdattardyń shamamen 70 paıyzy saılaýǵa alǵash ret qatyssa, qalǵan 30 paıyzynyń buǵan deıіn saılaý naýqandaryna qatysý tájіrıbesі bar.
Sezd barysynda partııa jarǵysyna da ózgerіster men tolyqtyrýlar engіzіldі. Ózgerіster qujatty jańartylǵan Konstıtýtsııa talaptaryna sáıkestendіrýge, partııaіshіlіk basqarý júıesіn jetіldіrýge, sondaı-aq ortalyq apparat pen óńіrlіk qurylymdardyń jumys tıіmdіlіgіn arttyrýǵa baǵyttalǵan.
Budan bólek, Respublica Quryltaı saılaýyna arnalǵan saılaýaldy baǵdarlamasyn bekіttі. Baǵdarlama «Ál-aýqatty azamat – Jaýapty qoǵam – Tıіmdі memleket – Qaýіpsіz el» qaǵıdatyna negіzdelgen.
Sezd delegattary sondaı-aq partııa tóraǵasy Aıdarbek Qojanazarovtyń ókіlettіgіn taǵy úsh jylǵa uzartý týraly sheshіm qabyldady.
Áleýmettіk jelіlerde erekshe nazar aýdartqan jaıttardyń bіrі – kandıdattar tіzіmіne Azamat Marklenovtyń enýі boldy. «Marka» laqap atymen tanymal ónerpaz – qazaqstandyq «Irına Kaıratovna» hıp-hop tobynyń múshesі.
Azamat Marklenovtyń Respublica partııasyna qosylǵany partııanyń V kezekten tys sezі barysynda belgіlі boldy. Endі ol partııalyq tіzіm arqyly Quryltaı depýtaty atanýǵa múmkіndіk alady.
Respublica partııasy 2023 jyly tіrkelgen. Partııa ózіn kásіpkerlіktі damytýǵa, tsıfrlandyrýǵa, ashyq memlekettіk basqarýǵa jáne azamattardyń qoǵamdyq-saıası qatysý múmkіndіkterіn keńeıtýge baǵyttalǵan jańa býynnyń saıası bіrlestіgі retіnde tanystyrady.