Astanada kópіrde selfı jasamaq bolǵan mas er adam Esіlge qulap kettі
Alǵashqy bolyp kómekke jaqyn mańda júrgen serýendeý ekıpajy jetken.
SMARTNEWS.KZ basylymynyń habarlaýynsha, Astanada «Atyraý» jaıaý júrgіnshіler kópіrіnde selfı jasamaq bolǵan 27 jastaǵy er adam Esіl ózenіne qulap kettі. Ol oqıǵa kezіnde mas kúıde bolǵan. Bul týraly QR Tótenshe jaǵdaılar mınıstrlіgіnіń Telegram-arnasy jazdy.
Oqıǵa 5 shіlde kúnі Esіl ózenіnіń akvatorııasyn patrýldep júrgen Astana qalalyq Tótenshe jaǵdaılar departamentіnіń jedel-qutqarý jasaǵy qyzmetkerlerі kezekshіlіk atqaryp júrgen kezde bolǵan.
Alǵash bolyp kómekke jaqyn mańda júrgen serýendeý teplohodynyń ekıpajy kelgen. Olar sýǵa qulaǵan azamatqa qutqarý sheńberіn laqtyryp, ony jaǵaǵa jaqyndatqan.
Keıіn oqıǵa ornyna jetken qutqarýshylar er adamdy qutqarý qaıyǵyna shyǵaryp, jedel-qutqarý jasaǵynyń bazasyna jetkіzdі.
1998 jyly týǵan azamat sol jerde jedel járdem qyzmetkerlerіne tapsyryldy. Aldyn ala málіmet boıynsha, onyń jaǵdaıy qanaǵattanarlyq.
Tótenshe jaǵdaılar mınıstrlіgі azamattardy áserlі sýret nemese vıdeo úshіn ómіrіne qaýіp tóndіrmeýge shaqyrdy. Vedomstvo sý aıdyndarynyń mańynda qaýіpsіzdіk talaptaryn saqtaýdy, qorshaýdan aspaýdy, sý jıegіne tym jaqyndamaýdy, ásіrese alkogoldіk іshіmdіk іshken jaǵdaıda mundaı áreketterge barmaýdy eskerttі.
Mınıstrlіk tótenshe jaǵdaı týyndaǵan jaǵdaıda 112 nómіrіne habarlasý qajet ekenіn eske saldy.
Material avtory
