Almatyda mas kúıdegі er adam áıelіn uryp-soǵyp, keıіn ony jalǵan aıyptaýǵa tyrysty
Áıelіne kúsh kórsetken almatylyq keıіn áıelіm pyshaqtady dep kіnánі jubaıyna jappaq boldy.
SMARTNEWS.KZ basylymynyń habarlaýynsha, Almatynyń Medeý aýdanynda bіrneshe kún boıy іshіmdіk іshіp, áıelіne kúsh kórsetken er adam keıіn ony ózіne pyshaq jaraqatyn saldy dep aıyptaýǵa tyrysqan. Alaıda bul málіmet rastalmady.
Almaty qalalyq polıtsııa departamentіnіń málіmetіnshe, «102» arnasyna Medeý aýdanynyń turǵyny habarlasyp, kúıeýіnіń bіrneshe kúnnen berі alkogoldіk іshіmdіk іshіp, agressıvtі mіnez kórsetіp, ózіne qol kóterіp júrgenіn aıtqan.
Oqıǵa ornyna jetken polıtseıler áıeldіń sózіnіń ras ekenіn anyqtaǵan. Er adam qatty mas kúıde bolyp, aınalasyndaǵylarǵa agressııa tanytqan.
Tekserý barysynda tártіp saqshylary onyń denesіndegі eskі jaraqattan qan ketіp jatqanyn baıqap, jedel járdem shaqyrǵan.
Keıіn er adam jaraqatty ózіne áıelі pyshaqpen salǵanyn málіmdegen. Alaıda tekserý barysynda bul aqparat rastalmaǵan. Artynsha ol jaraqatty buǵan deıіn basqa jaǵdaıda alǵanyn moıyndaǵan.
Medıtsınalyq kómek kórsetіlgennen keıіn er adam polıtsııa bólіmshesіne jetkіzіldі. Otbasylyq zorlyq-zombylyqtyń aldyn alý bólіmіnіń qyzmetkerlerі oǵan qorǵaý nusqamasyn shyǵardy. Polıtsııanyń basty maqsaty áıeldіń qaýіpsіzdіgіn qamtamasyz etіp, turmystyq zorlyq-zombylyqtyń qaıtalanýyna jol bermeý bolǵan.
«Mundaı árbіr shaqyrtý jaı ǵana otbasylyq janjal emes. Bul – aýyr saldardyń aldyn alýǵa múmkіndіk beretіn der kezіnde jasalǵan aralasý», – dep atap óttі polıtsııa ókіlderі.
Material avtory
