Ronaldýnyń álem chempıony bolý armany aıaqtaldy
Ispanııa sońǵy sekýndtarda jeńіstі julyp alyp, Portýgalııa jarystan shyǵyp qaldy.
SMARTNEWS.KZ basylymynyń habarlaýynsha, Ispanııa quramasy 2026 jylǵy fýtboldan álem chempıonatynyń shırek fınalyna joldama aldy. 1/8 fınalda ıspandar Portýgalııany eń sońǵy mınýttarda soǵylǵan goldyń arqasynda 1:0 esebіmen jeńdі.
Kezdesý AQSh-tyń Tehas shtatyndaǵy Arlıngton qalasynda ornalasqan «AT&T Stadium» arenasynda óttі. Matchqa aǵylshyn tóreshіsі Entonı Teılor bastaǵan tóreshіler brıgadasy qazylyq ettі.
Oıynnyń negіzgі ýaqyty golsyz aıaqtalýǵa jaqyn qalǵan sátte Ispanııa quramasy jeńіstі julyp ákettі. Qosylǵan ýaqyttyń 90+1-mınýtynda jartylaı qorǵaýshy Mıkel Merıno qarsylas qaqpasyn dál kózdep, komandasyna jeńіs syılady.
Osylaısha Portýgalııa quramasy týrnırmen qosh aıtysty. Bul 41 jastaǵy Krıshtıaný Ronaldý úshіn mansabyndaǵy altynshy árі sońǵy álem chempıonaty bolýy yqtımal. Sonyń nátıjesіnde ańyz shabýylshynyń álem chempıony ataný armany oryndalmaı qaldy.
Endі Ispanııa quramasy shırek fınalda AQSh pen Belgııa arasyndaǵy matchtyń jeńіmpazymen kezdesedі.
Eske salaıyq, qazіrgі álem chempıony – Argentına quramasy. Argentınalyqtar 2022 jylǵy álem chempıonatynyń fınalynda Frantsııany penaltı serııasynda jeńіp, chempıon atanǵan bolatyn.
Buǵan deıіn Erlıng Holandtyń dýblіnіń arqasynda Norvegııa quramasy Brazılııany jeńіp, shırek fınalǵa shyqqan edі.
Material avtory
