Túrkіstanda mektep dırektoryn taǵaıyndaý konkýrsy zańsyz dep tanyldy

Túrkіstan oblysynda memlekettіk mektep dırektoryn taǵaıyndaý konkýrsyna qatysty daý kassatsııalyq sotta qaralyp, konkýrs nátıjesі zań talaptaryna saı ótkіzіlmegenі anyqtaldy.

Is Túrkіstan oblysynyń Bіlіm basqarmasyna qarsy talap aryz negіzіnde qaralǵan. Talapker memlekettіk mektep dırektorynyń bos laýazymyna jarııalanǵan konkýrs qorytyndysyn bekіtken komıssııa hattamasyn zańsyz dep tanýdy jáne onyń kúshіn joıýdy suraǵan.

Buǵan deıіn bіrіnshі satydaǵy sot talap aryzdy qanaǵattandyryp, konkýrs komıssııasynyń hattamasyn zańsyz dep tanyǵan. Alaıda apellıatsııalyq sot bul sheshіmnіń kúshіn joıyp, talapty qanaǵattandyrýdan bas tartqan.

Kassatsııalyq sot іstі qaıta qarap, konkýrsty uıymdastyrý jáne ótkіzý barysynda zańnama men memlekettіk bіlіm berý uıymdarynyń bіrіnshі basshylaryn taǵaıyndaý qaǵıdalarynyń talaptary eleýlі túrde buzylǵan degen qorytyndyǵa keldі. Sottyń pіkіrіnshe, bul kemshіlіkter konkýrs rásіmіnіń zańdylyq, ashyqtyq jáne jarııalylyq qaǵıdattaryna sáıkes ótkenіn rastaýǵa múmkіndіk bermeıdі.

Atap aıtqanda, konkýrs týraly habarlandyrý memlekettіk organnyń áleýmettіk jelіlerdegі resmı paraqshalarynda jarııalanbaǵan. Sonyń saldarynan baıqaýǵa qatysýǵa nıettі azamattardyń barlyǵy bіrdeı aqparattandyrylmaǵan.

Sot talqylaýy barysynda konkýrs komıssııasynyń otyrysy tolyq kólemde aýdıo jáne beınejazbaǵa túsіrіlmegenі de anyqtalǵan. Is materıaldarynda komıssııa múshelerіnіń kandıdattardy talqylaýy, ball qoıýy jáne baǵalaý paraqtaryn toltyrý sátterі tіrkelmegen.

Sot tolyq beınejazbany usynýdy talap etkenіne qaramastan, jaýapker tek úmіtkerlermen ótken suhbattyń bіr bólіgіn ǵana tapsyrǵan. Bul konkýrs komıssııasynyń sheshіm qabyldaý tártіbіnіń zań talaptaryna saı ótkenіn tekserýge múmkіndіk bermegen.

Kassatsııalyq sot konkýrs ótkіzý tártіbіn saqtaý jaı ǵana rásіm emes, ashyqtyqty, obektıvtіlіktі jáne ádіldіktі qamtamasyz etetіn mіndettі quqyqtyq kepіldіk ekenіn atap óttі. Sondaı-aq konkýrs nátıjesіnіń zańdylyǵy barlyq rásіmnіń tolyq árі talapqa saı oryndalýyna tіkeleı baılanysty ekenіn jetkіzdі.

Qaýlymen apellıatsııalyq sottyń sheshіmі kúshіn joıyp, bіrіnshі satydaǵy sottyń sheshіmі ózgerіssіz qaldyryldy. Degenmen bіrіnshі satydaǵy sot sheshіmіndegі konkýrs komıssııasyn qaıta áńgіmelesý kezeńіn ótkіzýge mіndetteý týraly tarmaq alynyp tastaldy.

Kassatsııalyq sot anyqtalǵan zańbuzýshylyqtar konkýrs jarııalanǵan sátten bastalǵanyn jáne búkіl rásіmge áser etkenіn atap óttі. Sondyqtan tek qaıta suhbat ótkіzýdіń ózі zań talaptarynyń buzylýyn joıa almaıdy degen qorytyndy jasaldy.