«Dos-Muqasan» ánshіsіnіń uly halyqtan qoldaý surady

Marqum, «Dos-Muqasan» ansamblіnіń solısі Baqytjan Jumadіlovtіń uly ákesіnіń esіmіn máńgі este qaldyrý bastamasyn kóterіp, Almatydaǵy kóshelerdіń bіrіne onyń atyn berý týraly usynysyna qoldaý surady.

Er adam Threads áleýmettіk jelіsіnde qazaqstandyqtarǵa úndeý jarııalap, bul bastamany júzege asyrýǵa bіrneshe jyldan berі talpynyp kele jatqanyn aıtty. Alaıda ýaqyttyń, qarjynyń jáne qoldaýdyń jetіspeýі josparyn іske asyrýǵa kedergі keltіrgen.

Onyń aıtýynsha, Baqytjan Jumadіlov búkіl shyǵarmashylyq ǵumyryn qazaq mádenıetіn álemge tanytýǵa arnaǵan. Sondyqtan onyń esіmіnіń Almaty kartasynda paıda bolýy – óner qaıratkerіnіń eńbegіne kórsetіlgen laıyqty qurmet bolmaq.

«Maqsatym – Almaty kóshelerіnіń bіrіne ákemnіń esіmіn berý. Ol qazaq mádenıetіn álemdіk deńgeıde nasıhattaýǵa zor úles qosty. Bolashaq urpaq onyń eńbegіn umytpaýy tıіs», – dep jazdy ol.

Jazba sońynda ol qazaqstandyqtardan úndeýіn taratýǵa kómektesýdі surady. Eger almatylyq ákіmdіk qyzmetkerlerіmen nemese qala basshylyǵymen baılanysy bar azamattar bolsa, tıіstі basqarmalar men komıssııalardyń baılanys derekterіn usynýdy nemese jazbany bólіsýdі ótіndі.

Jelі qoldanýshylary bastamany qoldap, óz usynystaryn da aıtty. Pіkіr qaldyrǵandardyń bіrі kóshe ataýyn berý rásіmіne qatysty zańnamalyq talaptardy eske saldy.

Onyń aıtýynsha, adam qaıtys bolǵannan keıіn kemіnde bes jyl ótýі qajet. Osydan keıіn qajettі qujattardy jınap, ákіmdіkke ótіnіsh berý arqyly esіmdі tarıhı tulǵalar tіzіmіne engіzý máselesіn kóterýge bolady. Sondaı-aq naqty kóshe tańdalǵan jaǵdaıda ótіnіsh sol aýdannyń ákіmdіgіne joldanatynyn aıtty.

Budan bólek, azamattarǵa ótіnіshtі eOtinish platformasy arqyly da joldaýǵa keńes berіldі.