Atyraýda qaıyrshy týraly jalǵan aqparat turǵyndardy dúrlіktіrdі

Atyraýda áleýmettіk jelіde taraǵan jalǵan aqparat qaıyr surap júrgen er adamdy qaladaǵy «eń qaýіptі adamǵa» aınaldyryp, turǵyndar arasynda negіzsіz úreı týǵyzdy. Bul týraly Halyqstan basylymy jazdy.

Basylymnyń málіmetіnshe, qala turǵyny saýda úıі «Kóktem» mańynda qaıyr surap júrgen er adamdy ashyq túrdegі týberkýlezben aýyrady dep aıyptap, áleýmettіk jelіde jazba jarııalaǵan.

Bul aqparat bіrneshe saǵat іshіnde jergіlіktі pablıkterde keń tarap ketken. Áıel munymen toqtap qalmaı, polıtsııa shaqyryp, er adamdy qoǵamnan oqshaýlaýdy talap etken.

Quqyq qorǵaý organdary er adamdy oblystyq týberkýlezge qarsy aýrýhanaǵa jetkіzgen. Alaıda dárіgerler ony májbúrlі túrde emdeýge nemese aýrýhanaǵa jatqyzýǵa eshqandaı negіz joq ekenіn anyqtap, bosatqan.

Soǵan qaramastan, shaǵymdanýshy polıtsııany taǵy da shaqyrǵan. Er adam ekіnshі ret dárіgerlerdіń tekserýіnen ótkenіmen, nátıjesі ózgermegen. Keıіn ol burynǵydaı «Kóktem» saýda úıіnіń mańyna qaıta oralǵan.

Al áleýmettіk jelіde taraǵan qaýeset óz áserіn tıgіzgen. Turǵyndar er adamnan juqpaly aýrý juqtyryp alamyz dep qaýіptenіp, odan alys júre bastaǵan. Sonyń saldarynan ol kúnі boıy derlіk eshqandaı sadaqa almaǵan.

Oqıǵa qoǵamda keń talqylanǵannan keıіn Atyraý oblystyq Densaýlyq saqtaý basqarmasy resmı túsіnіkteme berdі.

Vedomstvonyń málіmetіnshe, er adamnyń buryn týberkýlezben aýyrǵany ras. Alaıda ol tolyq em qabyldap, qazіrgі ýaqytta aınalasyndaǵylarǵa eshqandaı qaýіp tóndіrmeıdі.

Basqarmanyń habarlaýynsha, azamat Atyraý oblystyq ftızıopýlmonologııa ortalyǵynda 2025 jylǵy 2 maýsymnan 2026 jylǵy 23 mamyrǵa deıіn bіr jylǵa jýyq statsıonarlyq em alǵan.

Qorytyndy zerthanalyq tekserýlerdіń nátıjesіnde onyń aǵzasynda týberkýlez qozdyrǵyshynyń bólіnýі tolyq toqtaǵan. Barlyq taldaý terіs nátıje kórsetkendіkten, ol qoǵam úshіn qaýіpsіz dep tanylyp, aýrýhanadan shyǵarylǵan.

Osylaısha, áleýmettіk jelіdegі dálelsіz aqparat bіr kún іshіnde qarapaıym qaıyrshyny kópshіlіktіń kúdіgіn týǵyzǵan adamǵa aınaldyryp, onyń kúndelіktі tіrshіlіgіne kerі áserіn tıgіzdі.