Almaty oblysynda myltyqtan oq atqan qyz jazalandy
Vıdeodan keıіn polıtsııa áreket etіp, qyz ben qarý ıesіn ustady.
Almaty oblysynda áleýmettіk jelіde taraǵan vıdeodan keıіn myltyqtan oq atqan qyz ben qarý ıesі ákіmshіlіk jaýapkershіlіkke tartyldy.
Internette keń taraǵan vıdeoda qyz tegіs uńǵyly myltyqpen aýaǵa oq atady, keıіn qarýdy ustap at ústіnde otyrǵany jáne kólіktі qaýіpsіzdіk beldіgіn taqpaı basqarǵany kórіnedі.
Jazba áleýmettіk jelі qoldanýshylary arasynda qyzý talqylanǵan.
Almaty oblystyq polıtsııa departamentіnіń málіmetіnshe, tekserý barysynda oqıǵaǵa qatysqan barlyq tulǵalardyń jeke basy anyqtalǵan.
Polıtsııanyń habarlaýynsha, tegіs uńǵyly qarýdyń ıesі myltyqty basqa adamǵa bergen. Keıіn onyń ruqsatymen qyz qarýdy arnaıy belgіlenbegen jerde qoldanyp, aýaǵa oq atqan.
Atalǵan zań buzýshylyqtarǵa baılanysty oqıǵaǵa qatysqan ekі adam da ákіmshіlіk jaýapkershіlіkke tartyldy.
Quqyq qorǵaý organdary qarýdy ózge adamǵa berý jáne ony arnaıy ruqsat etіlmegen jerde paıdalaný zań talaptaryn buzý bolyp sanalatynyn eske saldy.
Sondaı-aq mundaı áreketter úshіn zańnamada jaýapkershіlіk kózdelgenі atap ótіldі.
Material avtory
