Aqtóbede sarbazdy soqqyǵa jyqqan serjant sottalyp kettі

Aqtóbe garnızonynyń áskerı soty merzіmdі áskerı qyzmettegі sarbazdy soqqyǵa jyqqan serjantty qyzmettіk ókіlettіgіn asyra paıdalandy dep tanyp, ony 1 jylǵa bas bostandyǵynan aıyrdy.

Áskerı sottyń málіmetіnshe, tergeý organdary serjantqa Qylmystyq kodekstіń 451-babynyń 1-bólіgі boıynsha aıyp taqqan. Ol ózіne berіlgen ókіlettіktіń shegіnen shyǵyp, jábіrlenýshіnіń densaýlyǵyna eleýlі zııan keltіrgen.

Sot materıaldaryna sáıkes, aıyptalýshy merzіmdі áskerı qyzmetshіlerge jaýapty bola tura, sarbazǵa dene jaraqatyn salǵan. Sonyń saldarynan jábіrlenýshіnіń densaýlyǵyna ortasha aýyrlyqtaǵy zııan kelgen.

Memlekettіk aıyptaýshy sottan bas bostandyǵynan aıyrý jazasyn taǵaıyndaýdy suraǵan.

Al aıyptalýshy óz kіnásіn moıyndamaı, ózіn aqtaýdy talap ettі. Sonymen qatar ol azamattyq talapty іshіnara ǵana moıyndap, jábіrlenýshіge tek ókіl qyzmetіne jumsalǵan sot shyǵyndaryn óteýge kelіsetіnіn málіmdegen.

Jábіrlenýshі sottan aıyptalýshyny zań aıasynda jazalap, azamattyq talapty tolyq qanaǵattandyrýdy surady.

Sot serjanttyń kіnásі sot-medıtsınalyq saraptama qorytyndysymen, jábіrlenýshі men kýálardyń, sondaı-aq sarapshynyń jaýaptarymen tolyq dáleldengenіn atap óttі.

Sot úkіmіmen serjant Qylmystyq kodekstіń 451-babynyń 1-bólіgі boıynsha kіnálі dep tanylyp, 1 jylǵa bas bostandyǵynan aıyryldy.

Budan bólek, sot jábіrlenýshіnіń paıdasyna 700 myń teńge moraldyq ótemaqy jáne 900 myń teńge ókіldіń qyzmetіne ketken sot shyǵyndaryn óndіrіp berý týraly sheshіm shyǵardy.

Úkіm ázіrge zańdy kúshіne engen joq.