Pavlodar oblysynda jalǵan júktіlіk anyqtamasy úshіn para alǵan polıtseı sottaldy

Pavlodar oblysynda jalǵan júktіlіk týraly anyqtamaǵa baılanysty qylmystyq іs boıynsha polıtsııa qyzmetkerіne sot úkіmі shyqty. Ol para alý jáne ákіmshіlіk іs boıynsha dálelderdі burmalaý faktіlerі boıynsha kіnálі dep tanyldy. Bul týraly Bas prokýratýra jazdy.

Resmı málіmetke sáıkes, Aqsý qalasynyń mamandandyrylǵan aýdanaralyq soty polıtsııa bólіmіnіń qyzmetkerіne qatysty іstі qarady.

Tergeý deregіnshe, kólіk júrgіzý quqyǵy joq áıel mas kúıіnde jol-kólіk oqıǵasyn jasaǵan. Ákіmshіlіk іs sotta qaralyp jatqan kezde oǵan júktіlіk týraly anyqtama usynylǵan. Osy qujat negіzіnde áıelge taǵaıyndalýy múmkіn ákіmshіlіk qamaý jazasy aıyppulǵa aýystyrylǵan.

Alaıda prokýrorlardyń tekserýі barysynda medıtsınalyq anyqtamanyń jalǵan ekenі anyqtaldy.

Quqyq qorǵaý organdarynyń jedel áreketі nátıjesіnde sybaılas jemqorlyq faktіsі áshkerelenіp, mas kúıіnde jasalǵan quqyq buzýshylyq úshіn tıіstі jaýapkershіlіkten jaltarýǵa múmkіndіk bergen jalǵan qujatty rásіmdeýge qatysy bar tulǵalar anyqtalǵan.

Sot polıtsııa qyzmetkerіn para alǵany jáne ákіmshіlіk іs boıynsha dálelderdі qoldan jasaǵany úshіn kіnálі dep tanydy. Oǵan 6,6 mln teńge kólemіnde aıyppul salyndy. Sonymen qatar ol memlekettіk qyzmette laýazym atqarý quqyǵynan ómіr boıyna aıyryldy.

Sondaı-aq sottalǵan qyzmetker arnaıy ataǵynan aıyrylyp, para retіnde alǵan qarajaty memleket kіrіsіne tárkіlendі.

Sot úkіmі ázіrge zańdy kúshіne engen joq.

Eske sala keteıіk, buǵan deıіn Aqsý qalasynda jalǵan júktіlіk týraly anyqtamany paıdalaný faktіsі anyqtalǵan bolatyn. Jalǵan qujat negіzіnde áıelge bastapqyda aıyppul salynǵan, keıіn jaza 20 táýlіk ákіmshіlіk qamaýǵa aýystyrylǵan.

Osy jaǵdaı boıynsha Qylmystyq kodekstіń 416-baby («Dáleldemelerdі burmalaý») boıynsha іs qozǵalyp, polıtsııa qyzmetkerlerіne qatysty da sotqa deıіngі tergeý bastalǵan.