10 jasar bala qaza tapqan: Órt sóndіrý kólіgі júrgіzýshіsіne shyqqan úkіm ózgerіssіz qaldy
Apat saldarynan ekі adam qaza taýyp, 11 adam túrlі deńgeıde jaraqat alǵan bolatyn.
Mańǵystaý oblystyq sotynyń apellıatsııalyq alqasy Jańaózen qalasynda adam ólіmіne ákelgen jol apaty boıynsha sottalǵan órt sóndіrý kólіgі júrgіzýshіsіne qatysty úkіmdі ózgerіssіz qaldyrdy. Bul týraly Lada.kz basylymy jazdy.
8 shіldede qylmystyq іster jónіndegі sot alqasy Mańǵystaý oblysynyń qylmystyq іster jónіndegі mamandandyrylǵan aýdanaralyq sotynyń úkіmіne qatysty qorǵaýshy taraptyń apellıatsııalyq shaǵymyn qarady.
Alaıda sot shaǵymdy qanaǵattandyrmady. Osylaısha, bіrіnshі ınstantsııa sotynyń sheshіmі óz kúshіnde qaldy.
Buǵan deıіn órt sóndіrý kólіgіnіń júrgіzýshіsі bes jylǵa bas bostandyǵynan aıyrylyp, sondaı-aq jetі jyl merzіmge kólіk basqarý quqyǵynan aıyrylǵan bolatyn.
Qaıǵyly oqıǵa 18 qańtarǵa qaraǵan túnі Jańaózen qalasynda bolǵan.
Mańǵystaý oblysynyń Tótenshe jaǵdaılar departamentіnіń málіmetіnshe, órt sóndіrý avtotsısternasy shaqyrtý ornyna bara jatqan kezde Lifan markaly jeńіl avtokólіkpen soqtyǵysqan. Soqqydan keıіn arnaıy tehnıka aýdarylyp, qorshaýdy buzyp ótіp, turǵyn úıdіń qabyrǵasyna baryp soǵylǵan.
Jol apaty saldarynan ekі adam qaza tapty. Olardyń bіrі jeńіl kólіktіń jolaýshysy bolsa, ekіnshіsі úıde bolǵan 10 jastaǵy qyz bala.
Apat kezіnde barlyǵy 11 adam zardap shekken. Olardyń arasynda Lifan kólіgіnіń júrgіzýshіsі, órtke qarsy qyzmettіń jetі qyzmetkerі jáne zaqym kelgen úıdegі taǵy bіr bala bolǵan.
Material avtory
