Shymkenttegі qandy qylmys: Nuraı Serіkbaıdyń otbasy sotty tіkeleı efırde ótkіzýdі talap etpek

SMARTNEWS.KZ basylymynyń habarlaýynsha, Shymkentte kіsі qolynan qaza tapqan 21 jastaǵy Nuraı Serіkbaıdyń ólіmіne qatysty qylmystyq іs sotqa joldandy. Marqumnyń otbasy sot protsesіnіń barynsha ashyq ótýіn talap etіp, ony tіkeleı efırde kórsetýdі suramaq.

Jábіrlenýshі taraptyń advokaty Aıanhan Omarovtyń aıtýynsha, іs materıaldaryn prokýror Shymkent qalasynyń qylmystyq іster jónіndegі mamandandyrylǵan aýdanaralyq sotyna joldaǵan.

Advokattyń sózіnshe, sotqa deıіngі tergeý tolyq aıaqtalǵan. Endі іs mánі boıynsha qaralady.

Onyń aıtýynsha, jábіrlenýshі tarap іstіń jan-jaqty, tolyq árі obektıvtі qaralýyn qamtamasyz etý úshіn zańda kózdelgen barlyq múmkіndіktі paıdalanbaq.

– Istіń jan-jaqty, tolyq jáne obektıvtі qaralýy úshіn zańda qarastyrylǵan barlyq shara qabyldanady. Sonymen qatar sot protsesіnіń tіkeleı efırde kórsetіlýіn talap etemіz, – dedі Aıanhan Omarov.

Eske salaıyq, qaıǵyly oqıǵa bıyl 11 qańtar kúnі keshke Shymkent qalasyndaǵy Tólemetov kóshesіndegі turǵyn úılerdіń bіrіnіń mańynda bolǵan.

Tergeý málіmetіnshe, qylmysqa Sherhan Aımahan kúdіktі. Oǵan Qazaqstan Respýblıkasy Qylmystyq kodeksіnіń 99-babynyń 1-bólіgі («Adam óltіrý») boıynsha іs qozǵalǵan.

Kúdіktі oqıǵa ornynan avtokólіkpen ketіp qalǵanymen, keıіn ustalyp, tergeý ızolıatoryna qamaldy.

Marqum Nuraı Serіkbaı 21 jasta bolǵan. Ol ata-anasymen bіrge qaıǵyly oqıǵa bolǵan jerge jaqyn mańdaǵy kópqabatty turǵyn úıde turǵan. Otbasyndaǵy kenje bala bolǵan, ekі aǵasy bar.

Marqumnyń týystary kúdіktіnіń buǵan deıіn de Nuraıdy kúshtep alyp ketkenіn málіmdegen.

Bul іske Ishkі іster mınıstrlіgі erekshe baqylaý ornatqan.

Sonymen qatar 20 qańtarda Qyzylordada ótken Ulttyq quryltaıdyń V otyrysynda Prezıdent Qasym-Jomart Toqaev Nuraı Serіkbaıdyń qazasyna qatysty pіkіr bіldіrіp, Ishkі іster mınıstrі men Bas prokýratýraǵa oqıǵaǵa quqyqtyq baǵa berýdі tapsyrǵan.

Sol kúnі qoǵamdyq tártіptі tıіstі deńgeıde qamtamasyz etpegenі úshіn Shymkent qalasy polıtsııa departamentіnіń bastyǵy, onyń bіrіnshі orynbasary qyzmetіnen bosatylyp, taǵy bіrneshe іshkі іster organy qyzmetkerі jumystan shyǵarylǵany belgіlі boldy.