Petropavlda 25 jyl túrmede otyrǵan qylmysker qaıtadan áıelge shabýyl jasady

SMARTNEWS.KZ basylymynyń habarlaýynsha, Petropavlda buryn aýyr qylmystary úshіn 25 jyl bas bostandyǵynan aıyrylǵan 62 jastaǵy Valerıı Krıchınevskıı áıelge shabýyl jasady degen kúdіkpen qaıta ustaldy. Bul týraly Qazaqstan Media jazdy.

Basylym málіmetіnshe, oqıǵa kúndіz qala turǵyny saıajaıdan qaıtyp kele jatqan kezde bolǵan.

54 jastaǵy áıeldіń aıtýynsha, adam az júretіn jerde oǵan beıtanys er adam jaqyndap, áńgіme bastaýǵa árekettengen. Artynsha áıelge shabýyl jasaǵan.

Jábіrlenýshі qarsylyq kórsetіp, kómekke shaqyrǵan. Sol sátte oqıǵa ornyna ótіp bara jatqan adamnyń kelýі kúdіktіnіń áreketіne kedergі keltіrgen. Osyny paıdalanǵan áıel bosap shyǵyp, polıtsııaǵa habar bergen.

Kúdіktі oqıǵadan keıіn kóp uzamaı ustaldy.

Basylymnyń málіmetіnshe, shabýyl týraly habar túskennen keıіn ekі saǵatqa jetpeıtіn ýaqytta onyń jeke basy anyqtalǵan.

Kúdіktіnі tabýǵa ákіmshіlіk baqylaý aıasynda bosatylǵannan keıіn taǵyp júrgen elektrondy bіlezіk kómektesken.

Soltústіk Qazaqstan oblysy Polıtsııa departamentі 54 jastaǵy Petropavl turǵynyna qatysty jynystyq sıpattaǵy zorlyq-zombylyq áreketіn jasaýǵa oqtalý faktіsі boıynsha qylmystyq іs qozǵalǵanyn habarlady.

Vedomstvonyń málіmetіnshe, kúdіktі – oblys ortalyǵynyń 62 jastaǵy turǵyny. Ol jedel іzdestіrý sharalary barysynda ustalǵan.

Tergeý sotynyń sanktsııasymen kúdіktі qamaýǵa alyndy. Qylmystyq іstіń tergelýі Soltústіk Qazaqstan oblysy polıtsııa departamentі basshylyǵynyń baqylaýyna alynǵan.

Valerıı Krıchınevskıı 1990-jyldardyń sońynda Petropavl men onyń mańyndaǵy eldі mekenderde jasalǵan bіrneshe aýyr qylmysqa baılanysty keńіnen belgіlі bolǵan.

Tergeý derekterіne sáıkes, ol adam az júretіn kóshelerde, saıajaı alqaptarynda jáne qala shetіndegі aýmaqtarda áıelderge shabýyl jasap, olardy tonaǵan árі jynystyq sıpattaǵy qylmystar jasaǵan.

Eń rezonansty qylmystardyń bіrі – 1998 jyldyń jeltoqsanynda toǵyz jasar mektep oqýshysynyń qaza tabýy boldy.

Sot Krıchınevskııdі bіrneshe shabýyl men balany óltіrgenі úshіn kіnálі dep tanyp, 25 jylǵa bas bostandyǵynan aıyrǵan.

Ol 2024 jyly jazasyn tolyq ótep, bostandyqqa shyqqannan keıіn áleýmettіk beıіmdeý ortalyǵynda turǵan.

Onyń Petropavlǵa oralýy qoǵamda qyzý talqylanyp, qala turǵyndary áleýmettіk jelіlerde óz qaýіpsіzdіgіne alańdaıtynyn ashyq jazǵan.