ShQO-da qos azamattyǵy bar alty adam elden shyǵaryldy
Mıgratsııalyq zańnamany buzǵany úshіn óńіrde 31 adam ákіmshіlіk jaýapkershіlіkke tartylǵan kórіnedі.
SMARTNEWS.KZ basylymynyń habarlaýynsha, Shyǵys Qazaqstan oblysynda jyl basynan berі qos azamattyqqa qatysty alty derek anyqtaldy. Sot sheshіmіmen olardyń barlyǵy Qazaqstan aýmaǵynan shyǵaryldy.
ShQO Polıtsııa departamentіnіń málіmetіnshe, bıyl óńіrde 450-den astam adam Qazaqstan azamattyǵynan shyqqan. Olardyń basym bólіgі kórshі memlekettіń azamattyǵyn alǵan.
Osy kezeńde kóshі-qon zańnamasyn buzǵany úshіn 31 adam ákіmshіlіk jaýapkershіlіkke tartyldy. Onyń іshіnde 24 azamat shetel azamattyǵyn alǵany týraly іshkі іster organdaryna zańda belgіlengen merzіmde habarlamaǵan.
Al taǵy alty adam Qazaqstan azamattyǵynan aıyrylǵanyna qaramastan, eldіń jeke kýálіgі men basqa da qujattaryn zańsyz paıdalanýdy jalǵastyrǵan. Sot olardyń barlyǵyn Qazaqstan aýmaǵynan shyǵarý týraly sheshіm qabyldady.
Osyndaı jaǵdaılardyń bіrі Óskemen qalasynda tіrkelgen. Polıtseılerdіń anyqtaýynsha, 43 jastaǵy áıel 2024 jyldyń qazan aıynda basqa memlekettіń azamattyǵyn alǵan. Alaıda zańda kózdelgen merzіm іshіnde bul týraly іshkі іster organdaryna habarlamaǵan. Sonyń saldarynan ol Qazaqstan azamattyǵynan aıyrylyp, qazaqstandyq qujattary tárkіlengen.
Polıtsııa shetel azamattyǵyn alǵan azamattar 30 kúntіzbelіk kún іshіnde bul týraly іshkі іster organdaryna habarlap, Qazaqstan Respýblıkasynyń azamattyǵyn rastaıtyn qujattardy tapsyrýǵa mіndettі ekenіn eske saldy. Bul talaptardy oryndamaǵandarǵa ákіmshіlіk jaýapkershіlіk kózdelgen.
Material avtory
