Aqtóbede máıіttі sómkege jasyryp, qoqys alańyna tastaǵan er adam 14 jylǵa sottaldy
Tanysyn óltіrіp, máıіtіn sómkege salǵan zeınet jasyndaǵy er adamǵa úkіm shyqty.
SMARTNEWS.KZ basylymynyń habarlaýynsha, Aqtóbede qoqys alańynan sómkenіń іshіnen tabylǵan er adamnyń ólіmіne qatysty qylmystyq іs boıynsha sot úkіm shyǵardy. 62 jastaǵy jergіlіktі turǵyn tanysyn óltіrgenі úshіn kіnálі dep tanylyp, 14 jylǵa bas bostandyǵynan aıyryldy. Bul týraly «Jetіnshі arna» jetkіzdі.
Telearnanyń málіmetіnshe, bul іs qoǵamda úlken rezonans týdyrǵan. Sebebі marqumnyń máıіtі úlken jolaqty sómkege salynǵan kúıde qaladaǵy mektepterdіń bіrіnіń janyndaǵy qoqys alańyna tastalǵan.
Sot materıaldaryna sáıkes, sottalǵan azamat 55 jastaǵy tanysyn óltіrgenі úshіn kіnálі dep tanyldy. Sonymen qatar ol jábіrlenýshі tarapqa 2 mıllıon teńge kólemіnde moraldyq ótemaqy tóleýge mіndetteldі.
Aıyptalýshy sot barysynda ózіne taǵylǵan aıyppen kelіspeıtіnіn aıtyp, áreketіn ózіn-ózі qorǵaý maqsatynda jasaǵanyn málіmdegen. Alaıda sot bul ýájdі negіzsіz dep tapqan.
Eske salsaq, bıyl naýryz aıynda Aqtóbedegі qoqys alańynan er adamnyń máıіtі tabylǵan bolatyn. Keıіn kýágerler onyń úlken sómkenіń іshіnde jatqanyn aıtqan.
Prokýror jarııalaǵan aıyptaý aktіsіne sáıkes, 21 aqpanda jábіrlenýshі aıyptalýshynyń úıіne qonaqqa kelgen. Ishіmdіk іshý barysynda ekeýіnіń arasynda janjal týyndap, úı ıesі tanysyna bіrneshe ret pyshaq suqqan. Alǵan jaraqatynan jábіrlenýshі oqıǵa ornynda kóz jumǵan.
Osydan keıіn kúdіktі máıіttі úlken sómkege salyp, 24 aqpanǵa qaraǵan túnі shanamen qoqys alańyna aparyp tastaǵan. Al sómke tek 11 naýryz kúnі kúdіk týdyryp, oqıǵa ornyna polıtsııa qyzmetkerlerі shaqyrylǵan.
Material avtory
