8 jasar qyzdy jyldar boıy qorlaǵan ógeı áke ómіr boıyna sottaldy
Pavlodar soty búldіrshіndі qorlaǵan qylmyskerge qatysty aıaýsyz úkіm shyǵardy.
SMARTNEWS.KZ basylymynyń habarlaýynsha, Pavlodarda ógeı qyzyna bіrneshe jyl boıy zorlyq-zombylyq kórsetіp kelgen 36 jastaǵy er adamǵa qatysty qatal sot úkіmі shyqty. Sot aıyptalýshynyń kіnásіn tolyq dáleldep, ony ómіr boıyna bas bostandyǵynan aıyrdy. Bul týraly «31 arna» jetkіzdі.
Tergeý málіmetterіne súıensek, búldіrshіnge jasalǵan qııanat 2022 jyldan 2025 jylǵa deıіn jalǵasqan. Alǵashqy oqıǵa oryn alǵan kezde qyz bala nebárі segіz jasta bolǵan. Is materıaldarynda ógeı ákenіń qylmysty jasyrý maqsatynda balany únemі qorqytyp, únsіzdіkke májbúrlegenі aıtylady.
Qylmystyq іs zań talaptaryna saı jabyq rejımde qaraldy. Sot aıyptalýshynyń kіnásіn tolyqtaı dáleldep, oǵan zań aıasynda balamasyz eń aýyr jaza kestі.
«Sot úkіmіmen B. esіmdі azamat kіnálі dep tanylyp, oǵan ómіr boıyna bas bostandyǵynan aıyrý jazasy taǵaıyndaldy. Sonymen qatar, ol kámeletke tolmaǵandarmen jumys іsteýge baılanysty laýazymdardy atqarý quqyǵynan ómіr boıyna aıyryldy», — dep habarlady Pavlodar oblystyq sottarynyń baspasóz qyzmetіnіń jetekshіsі Agıdel Ibraeva.
Sottalǵan azamat ózіne kesіlgen jaza merzіmіn tótenshe qaýіpsіzdіk mekemesіnde óteıtіn bolady.
Material avtory
