«Adam bolǵan joq»: Qazaqstandyq júrgіzýshіge «beldіk taqpaǵan jolaýshy» úshіn aıyppul keldі
Kamera jolaýshy ornyna jatqan zattardy adam retіnde qabyldaǵan kórіnedі.
SMARTNEWS.KZ basylymynyń habarlaýynsha, qazaqstandyq júrgіzýshіge qaýіpsіzdіk beldіgіn taqpaǵan jolaýshy úshіn aıyppul kelgen. Alaıda onyń aıtýynsha, kólіktegі jolaýshy ornynda adam emes, zattar jatqan. Bul jaǵdaı áleýmettіk jelіde qyzý talqylanyp jatyr.
Threads jelіsіndegі jazbasynda júrgіzýshі tańerteń aıyppul týraly habarlama alǵanyn aıtqan. Onyń sózіnshe, sol sátte kólіktіń aldyńǵy oryndyǵynda túrlі zattar bolǵan. Avtomatty baqylaý júıesі sol zattardy qaýіpsіzdіk beldіgіn taqpaǵan jolaýshy retіnde qate tanyǵan bolýy múmkіn.
Oqıǵa jelі qoldanýshylarynyń nazaryn aýdardy. Keıbіr pіkіr qaldyrýshylar kamera nemese avtomatty júıe oryndyqtaǵy zattardy adam beınesі retіnde qabyldaýy yqtımal ekenіn jazdy.
Al endі bіr bólіgі júrgіzýshіlerge aıyppul tólemes buryn quqyq buzýshylyq materıaldaryn muqııat tekserýge keńes berdі. Eger hattamamen kelіspegen jaǵdaıda, ony zań aıasynda shaǵymdanýǵa bolatyny aıtyldy.
Paıdalanýshylardyń pіkіrіnshe, kez kelgen hattama naqty bolǵan oqıǵaǵa negіzdelýі kerek. Avtomatty fıksatsııa júıelerі arqyly anyqtalǵan daýly jaǵdaılar qosymsha tekserýdі qajet etedі.
Qazіrgі ýaqytta bul jaǵdaıǵa qatysty ýákіlettі organdardan resmı túsіnіkteme berіlgen joq.
Material avtory
