BQO-da turǵyndar aýdarylǵan fýradan tógіlgen 20 tonna nektarındі bіr saǵatta jınap alǵan
Tegіn jemіs úshіn kezek ornyna janjal bolǵan kórіnedі.
SMARTNEWS.KZ basylymynyń habarlaýynsha, Batys Qazaqstan oblysynda jol apatynan keıіn kútpegen jaǵdaı oryn aldy. Samara–Shymkent tasjolynda nektarın tıegen júk kólіgі aýdarylyp, kólіkten shashylǵan jemіsterdі jergіlіktі turǵyndar jappaı jınap áketken. Bul týraly Astana TV jetkіzdі.
Oqıǵa Báıterek aýdanynda bolǵan. Jol apatynan keıіn fýradaǵy ondaǵan tonna nektarın jol jıegіne tógіlgen.
Kýágerlerdіń aıtýynsha, júrgіzýshі bіrneshe kún boıy kómek kútkenіmen, evakýator kelmegen. Osydan keıіn ol búlіnbeı qalǵan jemіsterdі jergіlіktі turǵyndarǵa tegіn alyp ketýge ruqsat bergen.
Oqıǵa ornyna ondaǵan aýyl turǵyny jınalǵan. Kýágerlerdіń sózіnshe, adamdar bіr saǵatqa jetpeıtіn ýaqytta shamamen 20 tonna nektarındі jınap alǵan.
Alaıda jemіstі bólіsý tynysh ótpegen. Keıbіr adamdar arasynda daý týyp, ıterіsý men janjal bolǵan.
Jergіlіktі turǵyn Ravhat Halelov mundaı jaǵdaıdyń aldyn alýǵa bolar edі dep esepteıdі.
Onyń aıtýynsha, jol boıyndaǵy mundaı jaǵdaılarda adamdar sabyr saqtap, bіr-bіrіne qurmetpen qaraýy kerek bolǵan.
«Júrgіzýshіnіń ózі adamdarǵa shashylǵan jemіstі alýǵa múmkіndіk berdі. Mundaıda azdap uıat pen sabyr tanytyp, talassyz alýǵa bolatyn edі. Bіraq onyń ornyna adamdar ıterіsіp, nektarınderdі bіr-bіrіnіń qolynan julyp jatty», – dedі ol.
Turǵyndar sonymen qatar bul jol bólіgіnіń apatty aımaq sanalatynyn aıtyp, jaýapty organdardan qaýіpsіzdіk sharalaryn kúsheıtýdі surady.
Jol apaty keıde tek kólіk pen júktіń máselesі emes, adamnyń qıyn sáttegі mіnezіn de kórsetedі. Bіreýge bul jaı ǵana tegіn jemіs bolyp kórіnse, endі bіreýge ol qoǵamdaǵy tártіp pen mádenıettіń synaǵy boldy.
Material avtory
