Astanada jol belgіsіne órmelep strıptız bılegen boıjetkenge aıyppul salyndy

Astanada áleýmettіk jelіge kontent túsіrý úshіn jol belgіsіne órmelep, onyń mańynda bı bılegen 23 jastaǵy boıjetken ákіmshіlіk jaýapkershіlіkke tartyldy.

Qalalyq polıtsııa departamentіnіń málіmetіnshe, quqyq qorǵaý organdary vıdeony áleýmettіk jelіlerdі monıtorıngteý barysynda anyqtaǵan. Kadrlarda boıjetken jol belgіsіne shyǵyp, onyń janynda bı bılegen. Saldarynan qalalyq ınfraqurylym nysanyna zaqym kelý qaýpі týyndaǵan.

Polıtsııa mundaı áreket qoǵamdyq tártіptі jáne qala múlkіn qurmettemeýdіń kórіnіsі ekenіn atap óttі. Tekserý barysynda vıdeodaǵy boıjetkennіń jeke basy anyqtalyp, onyń 23 jastaǵy Astana turǵyny ekenі belgіlі boldy.

Oǵan qatysty usaq buzaqylyq deregі boıynsha ákіmshіlіk hattama toltyryldy. Sot sheshіmіmen boıjetkenge 20 aılyq eseptіk kórsetkіsh (86 500 teńge) kólemіnde aıyppul salyndy.

Polıtsııa áleýmettіk jelіdegі tanymaldyq, laık pen qaralym úshіn zań talaptaryn buzýǵa bolmaıtynyn eskerttі.

«Áserlі kontent túsіremіn degen oımen keıbіr azamattar qoǵamdyq tártіptі buzyp, qala múlkіne zııan keltіredі árі aınalasyndaǵylarǵa qurmetsіzdіk tanytady», – dep málіmdedі vedomstvo.

Quqyq qorǵaý organdary mundaı quqyq buzýshylyqtar aldaǵy ýaqytta da anyqtalyp, zań aıasynda tıіstі quqyqtyq baǵa berіletіnіn aıtty. Sondaı-aq turǵyndardy zań talaptaryn saqtaýǵa, qalalyq ınfraqurylym nysandaryna uqyppen qaraýǵa jáne kez kelgen zańsyz áreket jaýapkershіlіkke ákeletіnіn esten shyǵarmaýǵa shaqyrdy.

Polıtsııanyń málіmetіnshe, Prezıdent Qasym-Jomart Toqaev usynǵan «Zań jáne tártіp» qaǵıdaty qoǵamdyq qaýіpsіzdіktі kúsheıtýge, quqyq buzýshylyqqa múlde tózbeýshіlіk qaǵıdatyn ornyqtyrýǵa jáne zań ústemdіgіn qamtamasyz etýge baǵyttalǵan.