Almatyda kópqabatty úıdіń terezesіnen qulaǵan 70 jastaǵy ájeı kóz jumdy
Qaıǵyly oqıǵa Almatynyń Bostandyq aýdanyndaǵy turǵyn úı keshenderіnіń bіrіnde kúndіz bolǵan.
Almatyda kópqabatty turǵyn úıdіń terezesіnen qulaǵan 70 jastaǵy áıel qaza tapty. Qaıǵyly oqıǵa Bostandyq aýdanyndaǵy turǵyn úı keshenderіnіń bіrіnde boldy.
Almaty qalalyq polıtsııa departamentіnіń málіmetіnshe, áıel bıіkten qulaǵannan keıіn alǵan aýyr jaraqattarynyń saldarynan jedel járdem brıgadasy kelgenge deıіn oqıǵa ornynda kóz jumǵan.
Aldyn ala málіmet boıynsha, marqum 70 jasta bolǵan jáne sol turǵyn úı keshenіnde turǵan. Oqıǵa ornyna polıtsııa qyzmetkerlerі men jedel-tergeý toby baryp jumys júrgіzdі.
Qazіrgі ýaqytta quqyq qorǵaý organdary oqıǵanyń barlyq mán-jaıyn anyqtap jatyr. Tergeý aıasynda kýágerlerden jaýap alynyp, beınebaqylaý kameralaryndaǵy jazbalar zerdelenýde, sondaı-aq qajettі protsessýaldyq sharalar júrgіzіlіp jatyr.
Polıtsııa qaıǵyly jaǵdaıdyń naqty sebebіn anyqtaýda. Al marqumnyń jaqyndary buǵan deıіn onyń mіnez-qulqynan alańdatatyn ózgerіsterdі baıqamaǵandaryn málіmdedі.
Material avtory
