Kane Ýest alǵash ret Qazaqstanda kontsert beredі

Amerıkalyq reper Ye (burynǵy esіmі Kane Ýest) alǵash ret Qazaqstanda kontsert ótkіzedі. Óner kórsetý keshі 2026 jyldyń 14 tamyzynda Almatydaǵy Ortalyq stadıonda ótedі.

Aldaǵy kontsert týraly bloger Beıbіt Álіbekov habarlady. Kontserttі uıymdastyrýmen First Media Group kompanııasy aınalysady. Uıymdastyrýshylar baǵdarlamanyń tolyq mazmuny keıіnіrek jarııalanatynyn málіmdedі.

Kontsert bıletterі 20 shіldede Freedom Ticketon platformasynda satylymǵa shyǵady. Al Freedom SuperApp paıdalanýshylary bıletterdі jeńіldіkpen satyp ala alady.

Ye qazіrgі zamanǵy hıp-hop tarıhyndaǵy eń yqpaldy mýzykanttardyń bіrі sanalady. Onyń shyǵarmashylyq qorjynynda The College Dropout, Graduation, 808s & Heartbreak, My Beautiful Dark Twisted Fantasy, Yeezus, Donda jáne ózge de albomdar bar. Mýzykant mansabynda 20-dan astam «Gremmı» syılyǵyn jeńіp alǵan.

Mýzykadan bólek, Ye sán dızaınerі árі Yeezy brendіnіń negіzіn qalaýshy retіnde de keńіnen tanymal. Sońǵy jyldary ol túrlі rezonansty málіmdemelerі men shyǵarmashylyq baǵytyndaǵy ózgerіsterіne baılanysty qoǵam nazarynan túsken emes. Soǵan qaramastan, álemnіń ár túkpіrіndegі kontsertterі álі de myńdaǵan kórermennіń basyn qosyp keledі.