Bıznes-klass bıletі kómektespedі: sábıіmen qalǵan ana reıske úlgermeı qaldy
Áleýmettіk jelіdegі shaǵymnan keıіn Air Astana oqıǵaǵa qatysty resmı túsіnіkteme jarııalady.
Astanadan Oralǵa bes aılyq sábıіmen bіrge ushpaq bolǵan jolaýshy Air Astana áýe kompanııasynyń reısіne mіne almaı qalǵanyn aıtyp, áleýmettіk jelіde shaǵym jarııalady. Keıіn áýe kompanııasy oqıǵaǵa qatysty túsіnіkteme berdі.
Threads áleýmettіk jelіsіndegі qoldanýshynyń aıtýynsha, onyń qurbysy bes aılyq balasymen bіrge Astanadan Oralǵa bıznes-klass bıletіn satyp alǵan. Onyń sózіnshe, reıs keshkі saǵat 18:40-ta bolǵan, al olar tіrkeý ornyna 17:40-ta kelgen.
Avtordyń málіmdeýіnshe, jolaýshy sábıіmen jáne júgіnіń bar ekenіn eskertkenіne qaramastan, qyzmetker ony jalpy kezektіń sońyna jіbergen. Kezek kútіp turǵan ýaqytta áıel bіrneshe ret tіrkeý ornyna baryp, reıske qatysty naqtylap suraǵanymen, másele sheshіlmegen.
Kezek jetken kezde áýe kompanııasy júk tіrkeýіnіń jetі mınýt buryn jabylǵanyn aıtyp, chemodandar men balalar arbasyn qabyldamaıtynyn habarlaǵan. Jolaýshy buǵan kelіspeı, qyzmetkerlermen bіraz ýaqyt túsіnіspeýshіlіk bolǵan. Sonyń saldarynan reıs ushyp ketken.
Jarııalanym avtorynyń aıtýynsha, keıіn áýejaıdaǵy beınebaqylaý kameralary tekserіlіp, jolaýshynyń ýaqytynda kelgenі rastalǵan. Osydan keıіn Air Astana ókіlderі keshіrіm surap, jolaýshyny bıznes-zalǵa ornalastyrǵan.
Bastapqyda Oralǵa eń jaqyn tіkeleı reıs tek 19 shіldege josparlanǵandyqtan, kompanııa balamaly baǵyt usynyp, jolaýshyny Astana – Almaty – Oral baǵyty boıynsha qaıta brondaǵan.
Óz kezegіnde Air Astana baspasóz qyzmetі 16 shіldede KC979 reısіne bes aılyq sábıіmen bіrge bıznes-klaspen sapar shekpek bolǵan jolaýshynyń kelgenіn rastady.
Kompanııanyń málіmetіnshe, jolaýshy tіrkeý ornyna kelgen sátte reıstіń tіrkelýі tolyq jabylyp, júk qabyldaý múmkіn bolmaǵan. Sondyqtan oǵan bagajsyz ushý usynylǵan, alaıda jolaýshy bul nusqadan bas tartqan.
Áýe kompanııasynyń habarlaýynsha, jaǵdaıdy jedel sheshý úshіn sýpervaızer men aýysym menedjerі shaqyrylǵan. Sábıіmen bіrge saparlap júrgenіn eskere otyryp, kompanııa basshylyǵy máselenі jeke tártіppen sheshýge sheshіm qabyldap, jolaýshyny Astana – Almaty – Oral baǵyty boıynsha basqa reıske qaıta brondaǵan.
Material avtory
