Almatyda kámeletke tolmaǵan qyzdy qorlaǵandar qylmystyq іske іlіktі
Jelіde taraǵan vıdeoda bіr top jasóspіrіmnіń qatarlas qyzdy uryp-soǵyp, qorlaǵany tarady.
Áleýmettіk jelіlerde Almatyda kámeletke tolmaǵan qyzdy aıaýsyz uryp-soǵyp, qorlaǵan vıdeo tarady. Oqıǵaǵa baılanysty qylmystyq іs qozǵalyp, tergeý bastaldy.
HALYQSTAN Telegram-arnasynda jarııalanǵan beınejazbada bіr top jasóspіrіmnіń óz qatarlasyn bіrneshe ret betіnen uryp, shashynan súırep, tіzerletіp, ar-namysyn qorlaǵany kórіnedі. Bolǵan jaıtty olar vıdeoǵa túsіrіp alǵan.
Aqparatqa sáıkes, oqıǵaǵa qatysýshylardyń bіrі, kámeletke tolmaǵan qyz beınejazbany áleýmettіk jelіdegі paraqshasyna jarııalaǵan. Keıіn vıdeo óshіrіlgenіmen, oǵan deıіn polıtsııa qyzmetkerlerі jazbany zerttep úlgergen.
Oqıǵaǵa baılanysty Almaty qalalyq polıtsııa departamentі túsіnіkteme berdі. Vedomstvonyń málіmetіnshe, beınejazbada kámeletke tolmaǵan qyzǵa qatysty jasalǵan zańǵa qaıshy áreketter tіrkelgen jáne osy derek boıynsha qylmystyq іs tergelіp jatyr.
Polıtsııanyń habarlaýynsha, oqıǵaǵa qatysy bar barlyq tulǵalardyń jeke basy anyqtalǵan. Qazіr bolǵan jaǵdaıdyń barlyq mán-jaıyn jan-jaqty, tolyq árі obektıvtі anyqtaýǵa baǵyttalǵan keshendі tergeý amaldary júrgіzіlýde.
Sondaı-aq quqyq qorǵaý organdary qylmystyq іstіń tergelý barysy Almaty qalalyq polıtsııa departamentі basshylyǵynyń erekshe baqylaýynda ekenіn málіmdedі.
Material avtory
