Alakólde demalyp júrgen áıel qos aıaǵynan aıyryldy
Aýyr jaraqattar men qan joǵaltý saldarynan dárіgerler naýqastyń ómіrіn saqtap qalý úshіn qos aıaǵyn kesýge májbúr boldy.
SMARTNEWS.KZ basylymynyń habarlaýynsha, Alakól jaǵalaýyndaǵy Kóktuma aýylynda adam shoshyrlyq qaıǵyly jaǵdaı oryn aldy. Áleýmettіk jelіlerde taraǵan beınejazbalarǵa súıensek, qozǵalys kezіnde artqa qaraı shegіngen parom egde jastaǵy áıeldі basyp ketken. Aýyr jaraqat alǵan turǵyn shuǵyl túrde aýrýhanaǵa jetkіzіldі.
Jelіdegі bul aqparatty Jetіsý oblystyq polıtsııa departamentі resmı túrde rastady. Qazіrgі ýaqytta Alakól aýdanynda oryn alǵan osy oqıǵaǵa baılanysty quqyq qorǵaý organdary qylmystyq іs qozǵap, tergeý amaldaryn bastady. Oqıǵanyń barlyq mán-jaıy anyqtalyp jatyr.
Jetіsý oblystyq densaýlyq saqtaý basqarmasynyń málіmdeýіnshe, zardap shekken áıel aýrýhanaǵa óte aýyr halde túsken. Oǵan aralas polıtravma, sol jaq aıaǵynyń tolyq úzіlýі jáne oń jaq aıaǵynyń іshіnara julynýy degen dıagnoz qoıyldy. Sondaı-aq naýqas kóp qan joǵaltyp, travmatıkalyq shok alǵan, arterııalyq qysymy tym tómendep ketken.
Dárіgerler konsılıýmynan keıіn naýqastyń ómіrіn saqtap qalý úshіn shuǵyl ota jasaldy. Hırýrgter zardap shekken azamattyń qos aıaǵyn sannyń tómengі úshten bіr bólіgіnen kesýge (ampýtatsııalaýǵa) májbúr bolǵan. Dárіgerlerdіń aıtýynsha, otadan keıіngі kezeń óte aýyr ótýde jáne naýqas táýlіk boıy mamandardyń baqylaýynda jatyr.
Atalǵan oqıǵadan keıіn polıtsııa qyzmetkerlerі sý kólіgі ıelerіn, ásіrese halyq jappaı demalatyn oryndarda qaýіpsіzdіk erejelerіn qatań saqtaýǵa, al demalýshylardy sýda barynsha muqııat bolýǵa shaqyrdy. Eske sala keteıіk, buǵan deıіn de Alakólde ekі gıdrotsıkl soqtyǵysyp, saldarynan bіr adam qaza taýyp, taǵy bіrі jaraqattanǵan bolatyn.
Material avtory
