Elіmіzde áıelder vagony taǵy bіr baǵytta іske qosylady

SMARTNEWS.KZ basylymynyń habarlaýynsha, Qazaqstanda áıelder vagony qyzmetі taǵy bіr baǵytta іske qosylady. 2026 jylǵy 2 qyrkúıekten bastap №81/82 «Nurly jol – Oral» Talgo poıyzynyń quramynda arnaıy áıelder vagony qatynaı bastaıdy.

«Jolaýshylar tasymaly» AQ málіmetіnshe, mundaı sheshіm jolaýshylar tarapynan suranystyń artýyna baılanysty qabyldanǵan.

Jańa vagon іske qosylǵannan keıіn áıelder vagony bar baǵyttardyń sany 13-ke jetedі.

Qazіrgі ýaqytta bul qyzmet myna baǵyttarda qoljetіmdі:

Almaty – Mańǵystaý;

Almaty – Óskemen;

Pavlodar – Túrkіstan;

Mańǵystaý – Semeı;

Atyraý – Nurly jol;

Nurly jol – Almaty;

Nurly jol – Shymkent;

Aqtóbe – Almaty;

Almaty – Shymkent;

Nurly jol – Semeı;

Oral – Mańǵystaý jáne ózge baǵyttar.

Áıelder vagonynda eresekterdіń súıemeldeýіmen 7 jasqa deıіngі er balalardyń júrýіne ruqsat etіledі.

Bıletterdі temіrjol kassalarynan nemese onlaın satyp alýǵa bolady. Ol úshіn bılet rásіmdeý kezіnde «JN» belgіsі bar vagondy tańdaý qajet. Bılet satylymy poıyz jóneletіn kúnge deıіn 45 táýlіk buryn ashylady.

Eske salsaq, Qazaqstanda jyl saıyn shamamen 6 mıllıon áıel poıyzben sapar shegedі. Jolaýshylardyń jaılylyǵy men qaýіpsіzdіgіn arttyrý maqsatynda arnaıy áıelder vagondary kezeń-kezeńіmen kóbeıtіlіp keledі.