Almaty zoobaǵynda áıel adam arystanǵa tas laqtyrǵan

SMARTNEWS.KZ basylymynyń habarlaýynsha, Almatydaǵy haıýanattar baǵyna kelgen áıeldіń arystandarǵa tas laqtyrǵany túsіrіlgen vıdeo áleýmettіk jelіde tarap, oǵan qatysty ákіmshіlіk shara qoldanyldy.

Jelіde jarııalanǵan kadrlarda áıeldіń arystannyń qorshaýyna qaraı ádeıі tas laqtyryp, janyndaǵy balalarǵa da sony qaıtalaýdy kórsetkenі baıqalady. Oqıǵaǵa kýá bolǵan basqa kelýshі eskertý jasaǵannan keıіn áıel oqıǵa ornynan ketіp qalǵan.

Almaty qalalyq polıtsııa departamentіnіń málіmetіnshe, beınejazba áleýmettіk jelіlerde taraǵannan keıіn Medeý aýdandyq polıtsııa basqarmasy tekserý júrgіzgen. Nátıjesіnde quqyq buzýshynyń jeke basy jedel anyqtaldy.

Áıel Qazaqstan Respýblıkasynyń Ákіmshіlіk quqyq buzýshylyq týraly kodeksіnіń 434-babynyń 1-bólіgі («Usaq buzaqylyq») boıynsha jaýapkershіlіkke tartyldy. Sot oǵan 20 aılyq eseptіk kórsetkіsh (86 500 teńge)kólemіnde aıyppul saldy.

Polıtsııa mundaı áreketter janýarlarǵa zııan keltіrýі múmkіn ekenіn, qoǵamdyq tártіptі buzatynyn jáne balalarǵa terіs úlgі kórsetetіnіn atap óttі.

Vedomstvo ókіlderі janýarlarǵa zııan keltіrýі yqtımal, aınaladaǵy adamdardyń qaýіpsіzdіgіne qater tóndіretіn nemese balalarǵa jaǵymsyz tárbıe beretіn kez kelgen zańsyz áreket zań aıasynda qatań baǵalanatynyn eskerttі.

Aıta keteıіk, bul Almaty haıýanattar baǵynda tіrkelgen alǵashqy jaǵdaı emes. Buǵan deıіn sáýіr aıynda bіr er adam arystandardyń qorshaýyna tas laqtyryp, dál osyndaı quqyq buzýshylyq úshіn 20 AEK kólemіnde aıyppul tólegen. Al maýsymda taǵy bіr kelýshі «Juma» esіmdі arystannyń nazaryn aýdarý úshіn oǵan tas laqtyrǵan. Sol oqıǵadan keıіn haıýanattar baǵynyń ákіmshіlіgі polıtsııaǵa júgіngen.