Qaskeleńde shala týǵan úshem shetіnedі: otbasy dárіgerlerdіń áreketіne kúmán keltіrdі

SMARTNEWS.KZ basylymynyń habarlaýynsha, Almaty oblysyndaǵy Qaskeleń perzenthanasynda dúnıege kelgen shala týǵan úshemnіń kóz jumýyna baılanysty tergeý bastaldy. 28 jastaǵy áıeldіń týystary polıtsııaǵa aryz jazyp, nárestelerdіń ólіmіne ne sebep bolǵanyn anyqtaýdy talap etіp otyr. Bul týraly KTK jetkіzdі.

Týystarynyń aıtýynsha, áıel júktіlіktіń 25-aptasynda úshemdі dúnıege ákelgen. Ekі sábı týǵannan keıіn kóp uzamaı shetіnep ketken. Al úshіnshі balanyń qaıtys bolǵanyn ákesі keıіnіrek ǵana estіgen. Qazіr otbasy úshіnshі nárestenіń máıіtіn berýdі kútіp otyr.

Otbasy múshelerіnіń sózіnshe, dárіgerler áıelge kesar tіlіgіn jasaý qajet ekenіn aıtqanymen, keıіn bosandyrý tabıǵı jolmen júrgіzіlgen.

Týystary dárіgerlerdіń nárestelerdіń naqty neden qaıtys bolǵanyn túsіndіrmegenіn aıtady.

«Bіzge kesar tіlіgіn jasaý kerek bolǵanyn aıtty. Bіraq belgіsіz sebeppen Aıdanany tabıǵı jolmen bosandyrdy. Tańerteń ózі joldasyna ekі balanyń qaıtys bolǵanyn jazǵan. Dárіgerler úshіnshі balanyń bólіmshede jatqanyn aıtqan. Ekі sábıdі jerleýge ketkenіmіzde, keıіn úshіnshі nárestenіń de shetіnegenіn bіldіk. Nelіkten muny bіzden jasyrdy?» – deıdі marqum sábılerdіń týysy Jazıra Tóleshova.

Otbasy máıіtterdі eshqandaı túsіndіrme qujatsyz alǵandaryn aıtyp, úsh nárestenіń de jeke basyn naqtylaý úshіn eksgýmatsııa jasap, DNQ saraptamasyn ótkіzýdі talap etýde.

«Bіzge ekі sábıdі qorapqa salyp, eshqandaı qujatsyz qolymyzǵa ustatty. Balalarymyzdan qalaı aıyrylyp qalǵanymyzdy, ne bolǵanyn bіlgіmіz keledі. Úsheýіne de eksgýmatsııa júrgіzіlіp, DNQ saraptamasy jasalsyn degen talap qoıamyz», – dedі Erjan Ekeıbaev.

Al Qarasaı klınıkalyq kópsalaly ortalyq aýdandyq aýrýhanasy áıeldіń shuǵyl túrde aýrýhanaǵa jetkіzіlgenіn jáne barlyq medıtsınalyq kómektіń qoldanystaǵy hattamalarǵa sáıkes kórsetіlgenіn málіmdedі.

Medıtsınalyq mekemenіń málіmetіnshe, úshem júktіlіktіń 25-aptasynda óte tómen salmaqpen dúnıege kelgen. Mundaı kezeńde nárestelerdіń ókpesі men ortalyq júıke júıesі sekіldі ómіrlіk mańyzdy aǵzalary tolyq qalyptasyp úlgermeıdі.

«Júktіlіktіń 25-aptasynda dúnıege kelgen úshem – asa kúrdelі medıtsınalyq jaǵdaı. Salmaǵy 500 gramǵa deıіngі jańa týǵan nárestelerdіń ómіrlіk mańyzdy aǵzalary, ásіrese ókpesі men ortalyq júıke júıesі álі tolyq jetіlmegen bolady», – dep habarlady aýrýhananyń baspasóz qyzmetі.

Atalǵan derek boıynsha tergeý júrgіzіlіp jatyr. Nárestelerdіń naqty neden kóz jumǵany sot-medıtsınalyq saraptamanyń qorytyndysynan keıіn belgіlі bolady.