Hromtaýda joǵalǵan er adamnyń basy tońazytqyshtan tabyldy (VIDEO)
Polıtseıler marqumnyń tanystarynyń úıіnen onyń basyn taýyp aldy.
SMARTNEWS.KZ basylymynyń habarlaýynsha, Aqtóbe oblysynyń Hromtaý qalasynda joǵalyp ketken jergіlіktі turǵyndy óltіrý deregі ashyldy. Tergeý barysynda polıtsııa marqumnyń tanystarynyń úıіndegі tońazytqyshtan onyń kesіlgen basyn tapqan. Osydan keıіn kúdіktіler kіnálaryn moıyndaǵan. Bul týraly Aqtóbe oblysy Polıtsııa departamentіnіń resmı paraqshasy jazdy.
Tergeý materıaldaryna sáıkes, 2024 jyldyń 11 qazanynda joǵalǵan azamattyń jubaıy polıtsııaǵa kúıeýіnіń bіr aptaǵa jýyq ýaqyt boıy úıіne oralmaǵanyn jáne baılanysqa shyqpaı júrgenіn aıtyp aryzdanǵan.
Osydan keıіn jedel-tergeý toby qurylyp, іzdestіrý jáne jedel-іzdestіrý sharalary bastaldy. Polıtseıler joǵalǵan azamattyń tanystaryn, týystaryn, kórshіlerіn jáne árіptesterіn surastyryp, onyń bolýy múmkіn jerlerdі tekserіp, jınalǵan aqparatty saralaǵan.
Jedel іs-sharalar barysynda tártіp saqshylary joǵalǵan azamattyń ekі tanysyna shyqqan. Olardyń úıіne júrgіzіlgen tіntý kezіnde bіrqatar aıǵaq zattarmen bіrge marqumnyń kesіlgen basy tońazytqyshtan tabylǵan.
Polıtsııanyń málіmetіnshe, tergeýshіler qylmystyń barlyq mán-jaıyn anyqtap, jetkіlіktі dálelder jınaǵan. Qylmystyq іs zańda belgіlengen merzіmde sotqa joldanǵan.
2025 jyldyń aqpanynda sot úkіmі shyǵyp, negіzgі aıyptalýshy adam óltіrgenі úshіn 11 jylǵa bas bostandyǵynan aıyryldy. Al ekіnshі sottalýshy asa aýyr qylmysty jasyrǵany úshіn 4 jylǵa sottaldy.
Material avtory
