Almatyda kóp áıelі baryn aıtyp maqtanǵan bloger jazalandy
Polıtsııa kóp áıel alýdy nasıhattaý Qazaqstan zańnamasy men moraldyq qaǵıdalarǵa qaıshy ekenіn málіmdedі.
SMARTNEWS.KZ basylymynyń habarlaýynsha, Almatyda áleýmettіk jelіde kóp áıel alýdy nasıhattap, polıgamııalyq otbasyn ashyq kórsetken er adam ákіmshіlіk jaýapkershіlіkke tartyldy. Bul týraly Almaty qalalyq polıtsııasy jazdy.
Polıtsııanyń málіmetіnshe, quqyq buzýshylyq ınternet keńіstіgіne júrgіzіlgen monıtorıng barysynda anyqtalǵan.
Tekserý kezіnde er adamnyń áleýmettіk jelіdegі paraqshasynda kóp áıel alýdy qoldap, ózіnіń bіrneshe áıelіmen bіrge turatynyn kórsetetіn jarııalanymdar jarııalaǵany belgіlі bolǵan. Quqyq qorǵaý organdary mundaı kontenttіń Qazaqstan zańnamasynyń talaptaryna jáne qoǵamdaǵy moraldyq-etıkalyq qaǵıdalarǵa qaıshy keletіnіn atap óttі.
Paraqsha ıesіnіń jeke basy jedel anyqtalyp, oǵan Ákіmshіlіk quqyq buzýshylyq týraly kodekstіń 456-2-babynyń 3-1-bólіgі boıynsha zańǵa qaıshy kontent jarııalaǵany úshіn ákіmshіlіk hattama toltyryldy.
Polıtsııanyń habarlaýynsha, profılaktıkalyq áńgіmeden keıіn azamat áleýmettіk jelіdegі daýly jarııalanymdaryn óz erkіmen óshіrgen.
Vedomstvo ókіlderі zań talaptaryna qaıshy keletіn mіnez-qulyq úlgіlerіn nasıhattaıtyn, otbasy ınstıtýtyna degen qurmettі álsіretetіn árі jalpyǵa ortaq adamgershіlіk qundylyqtarǵa nuqsan keltіretіn kontenttі taratý zańmen kózdelgen jaýapkershіlіkke ákeletіnіn eskerttі.
Sondaı-aq polıtsııa mundaı sharalar quqyq buzýshylardy jaýapqa tartýmen qatar, tsıfrlyq ortadaǵy quqyq buzýshylyqtardyń aldyn alýǵa jáne sóz bostandyǵy, qoǵamdyq múdde men zań talaptary arasyndaǵy tepe-teńdіktі saqtaýǵa baǵyttalǵanyn málіmdedі.
Material avtory
