Byltyr elorda aýmaǵynda 4 esіrtkі zerthanasy anyqtaldy
Jyl basynan berі elorda aýmaǵynda 362 esіrtkі qylmysy tіrkeldі. Bul týraly Astana qalalyq polıtsııa departamentіnіń esіrtkі qylmysyna qarsy іs-qımyl basqarmasynyń bastyǵy Rýstam Ǵazızov aıtty, dep habarlaıdy smartnews.kz saıty.
«Jyl basynan berі 362 esіrtkі quqyq buzýshylyǵy tіrkeldі. Onyń іshіnde 68-і aýyr jáne asa aýyr qylmystar sanatyna jatady. Tergeý jumystary aıaqtalyp, sotqa 49 qylmystyq іs joldandy. Onyń іshіnde asa aýyr – 21, aýyr sanattaǵy 28 іs bar. Jyl basynan berі Astana qalasynyń aýmaǵynan shamamen 14 kelі sıntetıkalyq esіrtkі tárkіlendі. 2022 jyly 4 esіrtkі zerthanasy anyqtaldy», - dep toqtaldy Rýstam Ǵazızov.
Qosa ketsek, Qazaqstanǵa AQSh-tan poshta arqyly esіrtkі jetkіzbek bolǵandardyń іsі áshkerelendі. QR Qarjylyq monıtorıng agenttіgіnіń deregіnshe, esіrtkі zattary basqa zat túrіnde shtattardan Almaty qalasyna jіberіlіp, odan ary Astanaǵa jóneltіlgen.