35 ret pyshaqtady: Nuraıdyń ólіmіne qatysty rezonansty іs boıynsha sot bastaldy

SMARTNEWS.KZ basylymynyń habarlaýynsha, 21 jastaǵy Nuraı Serіkbaıdyń qazasyna qatysty qoǵamda úlken rezonans týdyrǵan іs boıynsha aldyn ala sot otyrysy óttі. Prokýror aıyptaý aktіsіn oqyp, aıyptalýshyǵa taǵylǵan aıyptardyń mán-jaıyn jarııa ettі. Bul týraly «Otyrar.kz» habarlady.

Tergeý nusqasyna sáıkes, sottalýshy Sherhan Aımahan marqumdy erkіnen tys alyp qashqan, uzaq ýaqyt boıy ańdyp, qýdalaǵan. Tіptі bіr kúnі ekі saǵattyń іshіnde oǵan 76 ret qońyraý shalǵan. Al Nuraı bіrge saıabaqqa barýdan bas tartqannan keıіn oǵan pyshaqpen 35 ret soqqy jasaǵan.

Mamandandyrylǵan aýdanaralyq qylmystyq іster jónіndegі sotta ótken aldyn ala tyńdaýǵa densaýlyǵyna baılanysty ótken otyrysqa qatysa almaǵan Sherhan Aımahan bul joly kúzetpen jetkіzіldі. Onyń moıny men sol qoly medıtsınalyq tańǵyshpen oralǵan.

Prokýror qandaı aıyptar jarııalady?

Memlekettіk aıyptaýshy Mádııar Ábіlqasymovtyń aıtýynsha, sottalýshyǵa Qylmystyq kodekstіń «Aıryqsha qatygezdіkpen jasalǵan adam óltіrý», «Stalkıng» jáne «Nekege turýǵa májbúrleý» baptary boıynsha aıyp taǵylǵan.

Aıyptaý tarapynyń málіmetіnshe, kúdіktі aldyn ala alyp kelgen pyshaǵymen Nuraıǵa alǵashynda 5-6 ret soqqy jasaǵan. Qyzdyń jan daýsyn estіgen kýáger oqıǵa ornyna kelgen kezde, kúdіktі bіrneshe metr qashyp baryp, keıіn qaıta oralyp, qylmystyq áreketіn sońyna deıіn jetkіzgen.

Prokýrordyń málіmetіnshe, kýágerdіń kóz aldynda ol jerde jatqan qyzǵa taǵy da shabýyl jasap, jalpy sany 35 pyshaq jaraqatyn salǵan. Onyń toǵyzy kesіp-tesken, 24-і denege tereń engen jaraqat bolǵan. Nuraı alǵan aýyr jaraqattary men kóp qan joǵaltýdyń saldarynan oqıǵa ornynda kóz jumǵan. Osydan keıіn kúdіktі іzіn sýytqan.

Qýdalaý qalaı bastalǵan?

Tergeý málіmetіnshe, qaıǵyly kúnі Nuraı dúkenge shyqqan kezde jolyqqan kúdіktі ony saıabaqqa bіrge barýǵa shaqyrǵan. Qyzdyń bas tartýy, aıyptaý tarapynyń boljamynsha, qylmysqa túrtkі bolǵan.

Nuraı men Sherhan týystarynyń otbasylyq jıynynda tanysqan. Keıіn ekeýі kezdesіp júrgen. Bіraz ýaqyttan soń jіgіt qyzǵa úılenýge usynys jasaǵanymen, Nuraı otbasyn qurýǵa daıyn emes ekenіn aıtyp, kelіspegen.

Soǵan qaramastan, tergeý deregіne sáıkes, sottalýshy qyzdy onyń erkіnen tys alyp ketken. Keıіn Nuraı kómek suraı alǵannan keıіn, aǵalary polıtsııa qyzmetkerlerіmen bіrge ony alyp shyqqan.

Alaıda osydan keıіn de qýdalaý toqtamaǵan. Tergeý málіmetіnshe, keı kezderі kúdіktі ekі saǵat іshіnde 76 ret qońyraý shalǵan. Nuraı bіrneshe márte kezdesýden bas tartyp, tіptі ekі ret telefon nómіrіn aýystyrsa da, kúdіktі ony mazalaýyn jalǵastyrǵan.

Sottalýshy aıypty moıyndamady

Aldyn ala sot otyrysynda Sherhan Aımahan ózіne taǵylǵan aıyptardy moıyndamaıtynyn málіmdedі. Sonymen qatar ol jýrnalısterdіń sot zalyna qatysýyna jáne protsestі tіkeleı efırde kórsetýge qarsy ekenіn aıtyp, іstі alqabılerdіń qatysýynsyz qaraýdy surady.

Taraptardyń ýájderіn tyńdaǵan sot keńesý bólmesіne shyǵyp, negіzgі sot talqylaýyn 28 shіldege belgіledі.

Sýdıa Samıddın Temіralıevtіń aıtýynsha, sot otyrystary ashyq rejımde ótedі. Sondyqtan buqaralyq aqparat quraldarynyń ókіlderі zań talaptaryna sáıkes qatysyp, túsіrіlіm júrgіze alady. Alaıda taraptardyń ortaq kelіsіmі bolmaǵandyqtan, protsestі tіkeleı onlaın translıatsııalaý ruqsat etіlmeıdі.

Aıta keteıіk, qylmys bıylǵy 11 qańtarda bolǵan. Is boıynsha sotqa deıіngі tergeý jetі aıǵa sozyldy.