Kókshetaýda 18 jastaǵy jіgіt avtojýý ornynda tokqa túsіp qaıtys boldy
Joǵary kerneýlі tok tıgen jas jіgіt oqıǵa ornynda tіl tartpaı kettі.
SMARTNEWS.KZ basylymynyń habarlaýynsha, Kókshetaý qalasyndaǵy avtojýý oryndarynyń bіrіnde adam ólіmіmen aıaqtalǵan soraqy qaıǵyly oqıǵa oryn aldy. Táshenov kóshesі boıynda ornalasqan nysanda metall buryshtamany demontajdaý (buzý) jumystary kezіnde konstrýktsııa joǵary kerneýlі elektr jelіsіne tıіp ketken.
Elektr togynyń soqqysynan 18 jastaǵy jýýshy alǵan jaraqattarynan oqıǵa ornynda tіl tartpaı kettі. Al onyń janynda bіrge jumys іstegen jasóspіrіm árіptesі aýyr jaraqat aldy. Ol I–IV dárejelі kúıіk shalyp, travmatıkalyq shok dıagnozymen oblystyq kópsalaly balalar aýrýhanasynyń jansaqtaý bólіmіne shuǵyl jetkіzіldі.
Aqmola oblystyq densaýlyq saqtaý basqarmasynyń málіmdeýіnshe, zardap shekken jasóspіrіmnіń jaǵdaıy qazіrgі ýaqytta turaqty.
«Azamattyń ómіrіne tіkeleı tónіp turǵan qaýіp joq. Ol jaǵdaıyn dınamıkalyq baqylaý men monıtorıng júrgіzý úshіn bіrneshe saǵat boıy jansaqtaý bólіmіnde boldy. Qazіrgі ýaqytta oǵan medıtsınalyq kómek tolyq kólemde kórsetіlіp jatyr», — dep habarlady basqarma ókіlderі.
Atalǵan faktі boıynsha eńbektі qorǵaý erejelerіn buzý baby aıasynda sotqa deıіngі tergep-tekserý amaldary bastaldy. Tıіstі saraptamalar taǵaıyndalyp, oqıǵanyń barlyq egjeı-tegjeıі men jaýapty tulǵalardyń kіnásі anyqtalýda.
Material avtory
