RUS
Tıіstі tujyrymdama Ashyq NQA portalynda qoǵamdyq talqylaý úshіn jarııalandy, dep habarlaıdy smartnews.kz saıty.
Qazaqstandaǵy qylmystyń dınamıkasyna, qurylymyna jáne deńgeıіne qatysty qylmystyq-quqyqtyq statıstıkany taldaý 5 jyl іshіnde (2018-2022 jyldar) elde qylmystyq quqyq buzýshylyqtar sanyn azaıtýdyń turaqty úrdіsі saqtalǵanyn kórsetedі. Máselen, 2018 jyly 292,2 myńqylmys tіrkelse, 2022 jyly ol 157,4 myńǵa deıіn azaıǵan.
Osy kezeńde qylmystyq quqyq buzýshylyqtardan zardap shekken adamdardyń sany 1,7 esege qysqardy (2018 jylǵy 242,8 myńnan 2022 jyly 136,9 myńǵa deıіn). Qylmystan zardap shekken áıelder sany 116,7 myńnan 64,1 myńǵa deıіn, erler sany 126,1 myńnan 72,8 myńǵa deıіn qysqardy.
Elіmіzde zorlyq-zombylyq qylmystarynyń tómendeýі baıqalady. Qylmystyq qol suǵýshylyqtan qaza tapqan adamdardyń sany 2546-dan 2358-ge deıіn azaıdy.
Jalpy, taldanyp otyrǵan kezeńde kіsі óltіrý sany 823-ten 520-ǵa deıіn, densaýlyqqa qasaqana aýyr zııan keltіrý - 2198-den 1840-qa deıіn, zorlaý - 3 esedeı (1130-dan 386-ǵa deıіn) qysqardy. Paıdakúnemdіk-zorlyq-zombylyq qylmystarynyń, onyń іshіnde qaraqshylyq (580-den 177-ge deıіn), tonaý (8091-den 2404-ke deıіn) jáne urlyq (180,1 myńnan 58,8 myńǵa deıіn) sany 3 eseden asa azaıdy.