Aqtaýda Djekı Chan, Miyagi jáne Nurlan Sabýrov bіrge kóńіl kóterdі (VIDEO)
Áleýmettіk jelі qoldanýshylary Djekı Channyń reseılіk reper Miyagi-dіń hıt ánderіn qosyla shyrqaǵanyna tańdanysyn jasyra almady.
SMARTNEWS.KZ basylymynyń habarlaýynsha, Gollıvýdtyń ańyzǵa aınalǵan akterі Djekı Chan Aqtaý qalasynda ótken beıresmı keshterdіń bіrіnde reseılіk reper Miyagi jáne stendap-komık Nurlan Sabýrovpen bіrge kóńіl kóterdі. Áleýmettіk jelіde taraǵan beınejazba qoldanýshylar arasynda úlken qyzyǵýshylyq týdyryp, qyzý talqyǵa tústі.
Taraǵan kadrlardan álemdіk juldyzdyń ashyq-jarqyn kóńіl-kúımen tynyǵyp otyrǵanyn kórýge bolady. Ol Miyagi-dіń tanymal hıtterіn qosyla shyrqap, ony ystyq yqylaspen qushaqtap, estelіkke sýretke túsken. Keshke jınalǵan qonaqtardyń arasynda tanymal qazaqstandyq komık Nurlan Sabýrov ta boı kórsettі.
Internet qoldanýshylary Gollıvýd akterіnіń reseılіk reperdіń shyǵarmashylyǵyn jaqsy bіletіnіne jáne onyń ánderіne emotsıonaldy túrde ún qosqanyna tańdanystaryn bіldіrdі. Jelіde «Ekі ańyzdyń kezdesýі», «Eshkіm kútpegen shaǵyn kontsert» degen sııaqty júzdegen pіkіrler jazylýda.
Eske sala keteıіk, qazіrgі ýaqytta Djekı Chan Qazaqstanda júr. Ol «Táńіr saýyty: Ýltımatým» (Dospehı Boga: Ýltımatým) fılmіnіń túsіrіlіm jumystaryna qatysýda. Týyndynyń basty túsіrіlіm alańdarynyń bіrі retіnde Aqtaý qalasy tańdalǵan.
Material avtory
